港九各區驚現Hea爆醒獅隊 全程企喺度𢭃利是?網友睇完笑爆:想畀人開年?

文: 黃樂恩
2024.02.14

提起農曆新年,當然唔少得舞獅這項慶祝活動,不過近日網上瘋傳一則影片,由年初二開始,本港各區都出現一隻以雙腳站立的「金獅」,同行還有一名負責敲鑼打鼓的男子,四處向途人、商戶店舖「搲利是」。影片引發網友熱論,有網友對「金獅」的造型有意見,直言其打扮差,亦有網友看後直指兩名男子是否「嫌命長」,竟然到旺角這間店舖索取利是.....

從網上流傳片段見到,有兩名男子正向旺角一間麻雀館𢭃利是,身穿黑色外套、頭戴冷帽的男子負責敲鑼打鼓,而另一名則身穿「金獅」服裝的人正在表演單人舞獅,當時「金獅」全程幾乎以雙腳站立,難怪連拍片者看後都忍不住話「咁都得嘅咩」、「都幾X恐怖,其實如果你揸車喺馬路見到有隻咁嘅嘢企喺度行!」而麻雀館職員為免影響生意,當時只好以「呢度唔係食肆嚟㗎」為由拒絕,黑衫男及「金獅」被拒後只好無奈離開,影片就此結束。

相關影片被轉發至其他群組,引發網友熱烈討論,不少人認為這隻「金獅」打扮奇異,且技藝不精,經常以雙腳站立,看起來像大頭佛多一點,直言「精神啲,臨時演員都係演員嚟」、「唔該呃食都呃得專業啲」、「開埠第一2人舞獅組合.......千s,Twins今次有對手」,有網友則在Facebook群組上分享同款舞獅服裝,指該套服裝最平人民幣430就買到。另外也有網友直指片中兩名男子分明是「嫌命長」,竟然有勇氣去麻雀館收陀地,紛紛留言笑稱「佢夠薑喎,走嚟呢度拎利市」、「夠膽去麻雀館搵食,真係唔驚比人打」、「似想畀人開年多啲喎」。

而TVB節目《東張西望》亦有跟進事件,親身到「金獅」出沒地方了解事件,有土瓜灣街市檔主表示「有(見到),有兩個內地人」,他指出兩名男子疑似以國語交談,在街市繞了一圈便離開。除了在旺角、土瓜灣附近出沒,這幾日也有不少市民分別在油麻地、屯門、荃灣、黃大仙、大埔、上水等地方,甚至連港鐵車廂都有看到他們,兩名男子不斷向周圍途人以及商戶店舖索取利是。

來源:FB@大埔人大埔谷FB@淘寶開心share東張西望

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓