港人家中接連有變故父母身亡 網上徵年糕慘遭質疑造假引熱議!網友:搬死咗嘅人出嚟?

文: 黃樂恩
2024.02.14

人生充滿困難,面對經濟困境時你會如何做?最近有窮困港人在網上徵新年糕餅,沒想到卻被網友質疑造假,「呢排咁多呢d case」、「又係搬死咗嘅屋企人出嚟」,當中更有人直言「唔好信呢個人」,留言斥責對方刻意多開FB Account徵食物?事件引發熱議,有興趣可入內文睇睇啦!

昨日(13日)於Facebook群組「食物放提 Free Food Flow」有人出帖,指自己父母先後身故,近日突遭變故導致經濟困難,故網上發文詢問元朗街坊,「如果元朗區有谷友有不要的糕餅,不論過期與否,本人都願意接收,求不浪費食物之餘能讓本人渡過目前難關,感恩」。

帖文一出,即引起大批熱心網友留言,紛紛表示家中仍有不少食物可作分享,「年30蒸嘅年糕、鹼水糭啱唔啱?」、「(蘿蔔糕)1200g 2月16日到期,明天天水圍T Town交收,你方便到取嗎?小小心意」、「我住元朗,有好多野食唔哂可以一齊分享!你pm我」、「我有啲罐頭多咗食唔晒,唔知你岩唔岩」。

但亦有網友質疑樓主造假,「呢排咁多呢d case」、「又係搬死咗嘅屋企人出嚟」、「點解唔去搵社工」,當中更有人在留言中寫道「唔好信呢個人」,指樓主在群組中不停用新Account網上徵食物,「呢個人一次過開幾個Account,住喺元朗,不停開唔同嘅Account問人哋攞嘢食,另外嗰啲Account俾人踢爆咗,又甩底,又開個新Account」。

對此,樓主則表示非常無奈,她在留言區作出回應,指這個Account用了差不多二十多年,自己並未有造假。同時她又表示,稱家中沒有廚房,在網上徵食物只是希望自己可以減少外出餐的機會,盡量把錢留給兩個小朋友,「只係想慳啲,希望收留人哋唔要嘅剩餘物資嚟食,盡量留返啲錢俾細路食飯,咁都有錯?」最後,樓主亦在留言中補充道,「依家食物都足夠了」,並感謝一眾網友的幫助。

不少網友看後留言力撐樓主,「樓主純求食物,有能力又可分享出來的,請抱著幫到的心態不要質疑」、「人地過期食物都唔介意,唔好attack人啦」、「有多餘食物俾人就俾,無亦無必要挑戰人」,紛紛怒斥部分網友欠缺同理心,同時又指出這個Facebook群組原意是食物分享、減少浪費食物,「呢個group本身就係用嚟互助,唔知點解有班人係都要攻擊有需要嘅人」。

來源:FB@食物放提 Free Food Flow

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓