演員文凱玲月初報喜順利誕下愛女，為新婚的她跟老公Jason都帶來更加溫馨的家庭生活。事隔半個月，Connie在社交平台分享愛女IYLA的照片，並透露原來囡囡早產，出世時僅僅4磅，幸好經過悉心照顧後，拍攝初生嬰兒寫真當日，已經有7磅重，慢慢努力增磅中。
文凱玲今年3月跟拍拖多時的男朋友Jason拉埋天窗，舉辦大型婚禮招呼親朋戚友，婚後不久就已經傳來好消息，原來文凱玲在籌備婚禮期間已經懷孕，雙喜臨門，認真可喜可賀。41歲的文凱玲屬高齡產婦，所以懷孕期都特別小心，減少工作好好養胎，而今個月初她都報喜BB女順利出世，不過原來一切都來得相當「驚險」。
文凱玲在IG分享愛女IYLA的照片，並透露原來IYLA原來是早產BB，「本來預產期係七月尾，但係BB已經出咗世 個半月，經歷完一段手忙腳亂嘅時期，終於有時間靜靜地寫一篇長文同大家分享。當晚覺得BB比平時郁動少咗好多，就去咗急症室，諗住確認一下BB冇問題就可以安心瞓覺，結果直接住院做咗一連串檢查，成晚冇瞓之後醫生就同我講要即刻開刀。準備開刀嘅時候，真係好驚好擔心，幻想咗好多可能會出現嘅問題同情況，好在BB好健康，出世嘅時候仲喊得好大聲！」
由於愛女IYLA早產要留在醫院特別照顧，所以文凱玲不能夠時時刻刻抱住愛女，一度感到非常失落，她續言：「喺醫院嘅時候大部份媽媽隔離都有BB，而我只有自己一個，一到夜晚嘅時候感覺特別失落。到我可以出院嘅時候，BB仲要繼續留喺醫院，明明生完但係冇得帶BB返屋企感覺好奇怪，之後一段時間我有時都會以為BB仲喺我個肚裏面。計劃之中嘅坐月係我會乖乖地留喺屋企養好身體，因為BB早咗出世，啱啱搬完屋箱都未拆，BB啲嘢都未準備，所以變咗每日忙住執屋、買嘢同埋泵奶再拎去醫院睇BB。BB返咗屋企之後每一日雖然好忙，但係好開心，成日攬住望住佢都覺得唔夠，為BB健康快樂長大繼續努力。」
出世一個半月，如今IYLA增肥成功，拍攝初生嬰兒寫真當日已經差不多七磅重。提到BB女近況，文凱玲表示：「IYLA喊聲好大聲，感覺她是好有中氣既健康BB。因為餵人奶，而IYLA晚上特別活躍，所以未有足夠休息及保養自己身體。暫時會接啲簡單工作，儘量抽多啲時間陪囡囡，見證佢既成長。」
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
