開運救兵|玄學師爆天后級歌手出道被批「紅唔起」 染紅髮紫髮驅霉紅足10年

文: 羅志宏
2024.02.16

踏入甲辰龍年,J2(82台)推出全新風水命理節目《2024開運救兵》,節目由兩位J2ers黃紫恩(Jojo)、陳國麟(Doniven)主持,請來三位不同領域獨當一面的玄學師助陣,包括「地運風水師」Depp、「女巫公主」慧慧及「命運占卜師」裸泳組成「開運兵團」,幫觀眾新年行好運。

最新一集主題是「踢走霉運」,嘉賓是黃建東,他希望新一年開始,可以借助三位玄學師傅掃走霉氣。黃建東直言霉到一個點,可媲美「地獄黑仔王」,他在節目中講到近兩年的遭遇時說︰「好運已經是前年嘅事,贏咗《全能司儀大賽》冠軍同『飛躍進步男藝員』入咗5強,嗰時啲人都覺得,阿東你終於有機會喇……但舊年你哋有無覺得我有咩作品、咩電視劇見過吖?」黃建東慨嘆雖然經常有項目傾談合作,可惜最後不是開不成,就是角色落在別人身上,所以希望藉今次改變運勢。

首先出手的是「命運占卜師」裸泳師傅,她讚黃建東當日的衣服顏色非常合適︰「鮮色系列配合今年九運,著多啲姣婆紅同紫仲啱你。千祈唔好著穿窿或者披口牛仔褲,會漏財。」她表示想聚財就要保持衣著光鮮,雙鞋更要乾乾淨淨︰「爛鞋、霉鞋唔好著,千祈唔好唔捨得掉。」

裸泳師傅又提議黃建東可以將頭髮染成鮮艷顏色,她隨即爆料指有天后級歌手出道時,被批「紅唔起」,之後該歌手保持頭髮染成紅色或紫色,之後果然大紅大紫。話題人物呼之欲出,在場各人似乎都猜到。

 

同場加映:【今期Chill抵】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓