親民茶餐廳新年派利是畀食客!食$30早餐都有得收!網民大讚:成年都幫襯

文: 梁穎心
2024.02.15

農曆新年連假,人工和食材價格上漲連帶不少餐廳增收服務費,有連鎖米線店收加一服務費、有連鎖茶餐廳換上新年限定餐牌,亦有不少餐廳標明須加二或加三服務費。有網民在社交平台分享,新年期間到茶餐廳用膳,竟獲收銀員派利是,簡直喜出望外!

日前,有網民在Facebook群組「香港茶餐廳及美食關注組」發文,分享自己在新年期間用餐的驚喜體驗。網民指自己在油麻地街市附近的茶餐廳食早餐,結帳時收銀姐姐竟然派利是,令網民大為震驚,「食個早餐得$31,咁都派返$10比我。」網民表示見人人都有份,本以為在派揮春。

網民中午再去同一間茶記用餐,竟然繼續有利是收,留言區亦有其他食客留言晒出自己的利是,看來餐廳老闆滿滿的祝賀網民十分受落!

有食客大讚「又得派,錢不重要,最重要係心意,大家都開心,收銀姐姐真係好的!」、「大家開心,好似比咗折咁」、「搵到又派俾大家,新年大家開心」、「幾開心呀,我會幫襯佢一年。」

另外,有網友分享「多年前係澳牛食完埋單後,收銀姨姨派利是」,亦有人提起「連鎖快餐店派紅雞旦我就收過。話開店唔記得一年定一個月,食lunch一人一隻紅雞旦。」有人指連鎖茶樓稻香逢年衫一亦會派利是,相信是部分傳統茶餐廳會在新正頭和周年求好意頭的做法。

來源:香港茶餐廳及美食關注組

同場加映:【今期Chill抵】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓