港男一人晚餐食杯麵配巨型龍蝦 加料升價10倍!網民挑機曬圖鬥勁加呢樣值5位數?

文: 黃樂恩
2024.02.18

食杯麵都可以咁有儀式感?早前有港男於社交平台上分享自己的晚餐,他表示由於是「一個人食嘢」,所以只打算簡簡單單食杯麵當做一餐。不過,港男口中的「簡單」似乎跟大眾心目中的有偏差,竟然在杯麵中加入了一種配料,馬上令其升價10倍,連網友看後都忍不住感嘆道「富貴杯麵」、「泡麵豪華版plus」、「貧窮限制了我的想像」。

該名港男在Facebook群組「香港街市魚類海鮮研究社」上傳照片,他配文寫道「一個人食嘢 簡簡單單整返個海鮮杯麵算」。從照片中見到,當時港男購買了一隻有小臂長的巨型龍蝦,蒸熟後便將它脫殼,然後原條龍蝦肉放到海鮮杯麵裡,金黃色的蝦膏令人流晒口水,睇落好吸引呀!

這款星級版海鮮杯麵一出,隨即在網上引起關注,一眾網友紛紛留言畀Like,留言寫道「富貴杯麵」、「泡麵豪華版plus」、「一隻蝦一個杯麵仲唔簡單啊」、「你個簡簡單單都唔簡單」,亦有網民認為這種食法無疑是「低調地宣布自己加咗人工」,不禁感嘆地說道「貧窮限制了我的想像…」、「呢個杯麵真係貴」、「有錢人的生活往往就是這麼樸實無華且枯燥」。

今次帖文更掀起網友的創意,不少人都在留言下方分享自己的「加料」美食,有人以燒鴨多過飯的「燒鴨飯」對撼港男,又有人煮杯麵時加入了冬蟲夏草,引來不少網友驚嘆道:「呢個杯面價值五位數」、「點止一隻龍蝦,一兩成9千幾哦」。

來源:FB@香港街市魚類海鮮研究社

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓