現年48歲的林子聰（肥仔聰）為集編導演於一身製作的劇集《狀王之王》接受電台節目《星光背後》專訪，分享由18歲當TVB《城巿追擊》編劇入行，因谷德昭有份主持《城追》介紹認識周星馳，從而變身《少林足球》六師弟成名的傳奇經過。節目中，肥仔聰除了分享與星爺的合作年相處點滴，更大談如何維繫經常分隔兩地的婚姻，亦剖白太太早產誕孻女血崩曾歷生死邊緣的難忘經歷。
從小到大，肥仔聰直認從沒變瘦的階段，至於身型有無阻礙過其感情，他自信地說：「過往只要我認真去追嘅女仔，都係一定得嘅！」肥仔聰太太Christy是芭蕾舞家，二人2000年認識，交往十二年於2012年結婚，至今育有一對子女，分別是9歲及5歲。談及當年未成名能追到漂亮的太太，他笑說：「她靚過吓啦！哈哈！」他亦分享與太太邂逅經過，「最初是我朋友想認識我太太，第一眼見到佢，我係暈一暈，係我人生唯一一次，真係有觸電嘅感覺。最後她跟我朋友沒感覺，是我展開猛烈攻勢打動佢。對呀！當時無錢，但我哋有共同嗜好搵平嘢食。」
《少林足球》爆紅後，肥仔大部份時間於內地工作，長期與太太分隔兩地怎維繫關係，他坦言：「頭幾年，佢都擔心我會有狂蜂浪蝶，但自從電話科技發達有facetime，佢就明白我真係無咩嗜好，我唔會同劇組住，習慣一個人住開，收工就返自己房同我老表助手打機。久而久之，太太見我每日都一樣，就無再擔心啦。」他更指每次於內地一完成拍攝便立即返港見家人，給太太很大安全感。
肥仔聰形容家庭幸福美滿，但這位顧家好爸爸的4歲孻女得來不易，原來太太懷第二胎時出現「植入式胎盤」情況，太太差點難產一屍兩命，「囡囡差唔多六個月突然要出世，嗰時已經叫左白車，但都等唔切去醫院，係響白車出世。」
林子聰續表示，囡囡出世時不足兩磅，而太太誕下囡囡時一度要搶救，「太太響救護車已經大量出血，心臟一度停咗一分鐘，阿女出世時亦唔夠兩磅，可能個天對我好好，太太最後搶救成功，第二朝就醒番。」肥仔聰指待太太轉醒回家才不禁留下男兒淚，他形容2019年初細女出世是他人生最大考驗，「唸返起是人生考驗，點跨過？人能力有限，只能盡做，每次去醫院探細女都只能隔住氧氣箱，盡量同佢傾偈。」最後太太留醫十日，囡囡要住氧氣箱三個月變回健康出院，至今看著大仔細女均健康成長，肥仔聰坦言人生沒有任何遺憾。
林子聰因2001年《少林足球》六師弟「輕功水上飄」而為人熟悉，但原來一開始他只是協助星爺度橋，談及如何變身六師弟，他說：「最初唔係我去做，當時係仲搵緊人，但一直cast唔啱，是有次畀周星馳見到我啲『好論盡』事，到拍前攝前一晚就話叫我去做。」
肥仔聰分享當時的心情，「我話唔好玩啦，佢就話：『咩玩阿？聽日就拍啦，你諗清楚呀！』，嗰晚就立即叫服裝半夜幫我車件戲服。第二日去到現場，佢就叫我望住鐵絲網話：『我而家俾30秒你，你自己諗下得唔得！唔得話我知！唔好嘥我啲菲林！』我諗咗一輪，套戲係佢，佢都未驚，點解我要驚？就開始咗演員呢條路。」他更大爆第一場戲就是激吻田雞（田啟文）奪回雞蛋的經典場口，「我螢幕初吻就比左田雞，個劇本我有份度清楚要做咩嘢，所以無猶豫豁出去演，不過拍完之後個幾晚同田雞有少少面阻阻，無計啦，因為都咀左好幾次，我哋又同房。」
由《少林足球》到2017年《西遊伏妖篇》，肥仔聰與周星馳合作無間，外間形容周星馳很嚴厲很惡，他亦認同：「係呀！而家都係，佢係惡，係無可否認！我梗係有畀佢鬧過啦啦，係俾佢剷到飛天添，但諗深一層，點解佢要鬧你先？如果你唔做錯，佢唔會無啦啦搵啲嘢嚟特登話你。佢有個口頭嬋，就係『你係咪真係明呀？』係要你好清楚去做每件事，對我就無咩嘢，鬧吓鬧吓就慣啦。」他又指與周星馳創作時笑聲不斷，過程很歡樂。
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
