DONKI螃蟹之歌超洗腦爆紅!蟹蟹蟹惹笑港人:以為唱緊泰文官方曝主唱係...

文: 溫藹紅
2024.02.19

DONKI螃蟹之歌洗腦爆紅!DON DON DONKI為配合松葉蟹祭,早前推出全新「蟹の歌」掀起洗腦熱潮,旋律易記之餘,主唱帶口音高歌「蟹蟹蟹」極速洗腦,是繼其品牌主題曲後又一神作,惹笑大批港人,直言「以為播緊泰文歌」,不少人更指主唱好大犧牲!

每次行DON DON DONKI(驚安の殿堂),都會聽到品牌主題名曲「Miracle Shopping」在店內無間斷地播放,其中「Don Don Don Donki」歌詞配合輕快旋律,相信大家都耳熟能詳,絕對是出色洗腦級神作。不過,最近門店內竟出現全新洗腦曲「蟹の歌」,響亮又歡愉的「蟹蟹蟹」傳遍凍櫃區域,現場更配上大電視屏幕播放歌曲MV,吸引不少人包括記者都駐足欣賞!

DONKI推全新「蟹の歌」 歌詞節奏超洗腦

近日DONKI全線舉辦松葉蟹祭,宣傳神曲「蟹の歌」就引起全城討論,全因歌曲節奏及歌詞都相當入腦,其中以「唔咸唔淡」廣東話唱出「你想食嘅螃蟹」、「買啦,螃蟹」、「今日要食螃蟹」等歌詞琅琅上口,加入「蟹!蟹!蟹!」歡樂旋律,在腦內無限Loop極速洗腦,相信聽一次隨時可以加入合唱!

▼DONKI蟹の歌 MV歌詞▼

「蟹の歌」MV主唱成焦點 日本DONKI員工傾力演唱

今次神曲更配合極富趣味的MV,由一男一女素人擔當主角,前者(主唱)帶有濃重口音高歌,但仍相當投入;旁邊打配合的女生則展示親切笑容,期間難掩「偷笑樣」,背景輪流播放松葉蟹相片,原汁原味創作引得不少觀眾捧腹大笑。官方透露,該神曲「其實係日本DONKI同事唱」,並形容「唱得字正腔圓又夠氣」,將廣東話演譯得淋漓盡致,成功令洗腦歌在網上極速爆紅!

▼DONKI蟹の歌 MV歌詞▼

▼DONKI蟹の歌 歌詞▼

今日嘅螃蟹
你想食嘅螃蟹
買啦,螃蟹
聽日食咩都好
今日要食螃蟹
蟹 蟹 蟹 蟹 蟹 蟹 蟹 蟹 蟹~

爆笑神曲引來全城關注,有港人於門店現場細聽時,直言「以為播緊泰文歌」、「要睇字幕先知佢唱乜」,更有人表示「初頭以為係某個呀叔鈴聲」、「好X洗腦」,讓人啼笑皆非!更有人表示MV員工好大犧牲,笑指要「讚美嗰位男同事」,認為DONKI一定加佢哋人工!

▼網民留言▼

資料及圖片來源:Facebook@DON DON DONKI Hong Kong(蟹の歌 完整MV)連登討論區小紅書

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓