恆仔分手｜傳ToNick趙善恆借醉錫Ivy So 女方IG四字回應澄清事件

傳恆仔借醉錫Ivy So 當事人IG回應澄清事件

點擊圖片放大

早前有傳聞就ToNick趙善恆分手一事爆料，指趙善恆搭上其前度譚杏藍化妝師出軌，才成10年情分手導火線，更指控趙善恆曾借醉欲錫COLLAR成員蘇雅琳（Ivy So），蘇雅琳今日（20日）疑似於個人IG回應事件，僅以四字「並非事實」表態，似乎以行動力證趙善恆清白。趙善恆與蘇雅琳曾經於ViuTV劇集《和解在後》合作，由趙善恆負責自導自演，而蘇雅琳則擔任女主角。

趙善恆自揭抑鬱後 前度譚杏藍IG回應事件

點擊圖片放大

ToNick主音趙善恆於2月18日自揭因喪父與分手導致抑鬱一年，望一眾藝人朋友與歌迷留言力撐，而其前度譚杏藍昨日(19日)於個人IG限時動態回應事件，形容與趙善恆的關係十年來只希望幸福快樂以及期盼未來，強調一段關係應該為雙向，「不是一人一手可以控制大局」，表示過去日子付出從不求回報，感激遇上趙善恆，但對人對事問心無愧。又祝福趙善恆演唱會開賣一切順利，並感謝身邊人的關心，最後概嘆面對一切流言蜚語都不容易，往後會繼續以建立家庭為目標努力生活。而網民在趙善恆帖文發佈之後，網民就隨即到譚杏藍的IG帖文上留言洗版炮轟，亦有人支持譚杏藍表示︰「其實呢個世界唔係淨係得對與錯，所有野都係觀點與角度」

+9

+8

點擊圖片放大

ToNick主音趙善恆深夜吐苦水 因喪父與分手兩事患抑鬱

ToNick主音趙善恆昨晚(18日)以一張全黑圖附上長文大吐苦水，內容表示恆仔害怕自己會「做傻事」，透露自己已經患有抑鬱一年，自去年爸爸離世並與多年女友分手之後，便不斷隱瞞自己情緒。趙善恆更直言冇死到，其實已經好好彩，感激跑步拯救了自己，並表示「夾band好開心」丶「拍戲好開心」，更透露已經開始一段新感情，目前只想好好生活。趙善恆語帶保留地透露分手後發生的事尤其影響自己，但未有表明事件詳情。

點擊圖片放大

全文如下︰

「有啲嘢好想講
因為我怕我真係會做傻事
我只會講一次 都唔會再回應🙏
話說
啱先有個「朋友」走埋來同我打招呼
咁我客氣咁寒暄咗幾句就算
但同呢位「朋友」對話之後我發現
我真係頂唔順喇
其實我抑鬱咗一年 爭啲想走
感謝跑步真係救咗我好多
上年
我爸爸走咗
亦同一齊好多好多年嘅女朋友分手
分咗手之後
當每一個人關心問我點
佢哋都會不經意咁講一句：
原來你乜都唔知㗎？
然後我就會聽到一個新嘅人名
我身邊啲同事同埋朋友
之前佢哋唔講比我聽 係唔想影響我
我仲好似一個小朋友咁樣
鍾意創作，想做好每一件事
又好想做啲好嘢出嚟
作為幕前
又唔想引起不必要嘅風波
費事影響到啲project同客戶
咁就不斷隱瞞自己情緒
扮正常
繼續發放正能量
然後我用咗一年時間處理我嘅心情
我冇死到，其實已經好好彩
但我唔想再扮喇
我覺得夾band好開心
我覺得拍戲好開心
我而家都開始一段新嘅感情
而家係向建立一個好家庭方向出發
我淨係想好好地生活
做好我嘅工作
有一個好好嘅家庭
好好經營我嘅團隊
係咁多
好少打咁多字
但因為我發現我真係面對唔到呢個情緒
唔想工作唔到 生活唔到
唔想開始唔到一段健康嘅新關係
所以，最重要係
唔該咁多位關事嘅「朋友」
唔好再走過來同我打招呼🙏
我唔會公開任何人名
只係想你哋知
我唔再係咩都唔知
而家我只想好好生活🙏」

藝人歌迷力撐 《一秒拳王》周國賢長文回覆

趙善恆的帖文引發一眾名人與歌迷留言支持，包括《年少日記》導演卓亦謙丶《花椒之味》導演麥曦茵丶何洛瑤Sica丶游學修丶岑珈其丶朱薰，其中曾於趙善恆執導作品《一秒拳王》主演的周國賢更以長文回覆。

+7

+6

點擊圖片放大