近年政府着力打擊濫用公屋，除咗住戶主動嘅物業及居住情況申報外，原來連租戶持有車輛嘅價值，都會成為資產審查嘅一部分，屋邨職員更將會留意出入屋邨車輛嘅情況，如果發現租戶擁有超過資產限額嘅貴車，租戶都有機會收到遷出通知書㗎！
============
同場加映：
【家居達人】6種超簡單袋子收納 快摺環保袋、膠袋整理
============
港府近年來多次出招打擊濫用公屋，房委會新一輪物業及居住情況申報，將於4月1日開始。房屋局局長何永賢表示，除咗會繼續加強住戶物業申報抽查外，並會加強住戶資產審查，包括公屋租戶嘅新界土地以及境外物業，當局會與包括廣東省國土資源部核實相關資料，一旦超出資產限額，會發出遷出通知書。
房屋局會與包括廣東省國土資源部核實相關資料，一旦發現公屋租戶擁有國內物業且超出資產限額，會發出遷出通知書。
屋邨職員會留意出入車輛價值
另一方面，房委會租戶擁有嘅車輛價值，將會納入資產計算，因此會加強查核公屋住戶擁有嘅車輛價值，屋邨職員會留意出入屋邨車輛嘅情況，並會根據車牌向運輸署了解相關車輛嘅資料，包括車價，如果核實車輛擁有人為房委會租戶，而非已購買單位嘅住戶，車輛價值會納入資產計算，若發現超出資產限額，同樣會發出遷出通知書，實行多管齊下加強審查，善用公共房屋資源。
屋邨職員會留意出入屋邨車輛嘅情況，如果核實車輛擁有人為房委會租戶，車輛價值會納入資產計算，若發現超出資產限額，同樣會發出遷出通知書。
對於政府有意抽查公屋租戶車輛，公屋聯會總幹事招國偉表示，過往公屋住戶擁有車輛都需要申報，包括私家車折舊後嘅車輛價值及職業司機嘅車牌如的士牌等。佢相信，唔會有好多公屋戶有名貴車輛，佢又指，自去年起房署嘅打擊濫用公屋上加強抽查力度，令住戶留意要如實申報，唔好再抱僥倖心態，對善用公屋資源的確具幫助。
公屋輪候時間目指4.5年
何永賢又指，房署會嘅打擊濫用公屋小組，已聘請退休紀律部隊人員加入，協助加強打擊濫用公屋及加強網絡監察，包括留意係咪有人喺網上放租公屋或做旅舍用途等。 而公屋平均輪候時間，預料喺去年第四季及今年第一季有輕微上升，然後漸趨平穩，隨住簡約公屋明年第一季起有單位供應，有信心去到2026/27年，輪候時間會回落至4.5年嘅目標。
何永賢指房署會嘅打擊濫用公屋小組，已聘請退休紀律部隊人員加入，打擊濫用公屋及加強網絡監察。
公屋平均輪候時間，預料喺去年第四季及今年第一季有輕微上升，然後漸趨平穩，何永賢指有信心去到2026/27年，輪候時間會回落至4.5年嘅目標。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
