牛角$288/2位特價放題食剩大量食物!店員怕罰錢被客投訴!老闆黃傑龍1句力撐「揸正嚟做」

文: 梁穎心
2024.02.20

叙福樓旗下多間餐廳現正進行放題優惠,包括牛角日本燒肉專門店、溫野菜、牛角Buffet、牛角食べ放題実施店,只要$288/2位,吸引不少人光顧。食放題時常出現有剩餘食物的情況,若只是正常食淨份量尚可理解,但早前有網民發現鄰桌餘下大量食物,極之浪費。帖文引來網民群起批評,叙福樓集團主席黃傑龍亦發文回應,更指自己會支持負責任員工。

近日有網民在Facebook專頁「西店Hi客之道 Hispitality Secret」投稿,分享在牛角Buffet用餐的經歷,網民發現鄰桌食剩多碟沒有燒過的牛肉、豬肉、海鮮、粟米,數杯飲料都有喝剩,部分更只飲用了一半,十分浪費。

網民向負責清理男職員查詢有沒有向該枱顧客罰款,惟職員無奈表示:「冇得罰嫁,罰完佢一陣又同公司投訴番佢態度差,最後錯嘅都係職員。」投稿網民慨嘆:「食剩小小一兩碟我覺得情有可原,但呢枱野剩得會唔會太過份?人地做優惠你係咪要食到人地間餐廳執笠?剩咁多真係唔覺節墮咩?」

大批網民斥該桌食客「無衣食」,亦有人指責餐廳未有確切執行罰款機制,食客嚴重浪費無後果。有人直言「政府應該立法規管,同垃圾徵費一樣。」

有人憂慮公司未有給予樓面同事支持,「一句你而家咩態度,贏哂」、「應該係之前因為咁比人投訴過」、「每一行都一樣,投訴員工態度必勝 無上司會攬下屬的」、「好多公司都係顧客永遠是對的。」

叙福樓集團主席兼行政總裁黃傑龍發文力撐職員:「如果有客人實在係顯然過分不合理地浪費(類似今次呢個個案睇吓張相),呢啲我鼓勵同事專業地同客人講要收返$20/g」,他提醒職員可以拍攝紀錄情況,絕不會無條件偏袒客人。他補充「我反而會向呢位員工致敬,專業地履行職責,保護公司保護地球。」

黃傑龍又憶述十年前巡舖時發現的浪費食物情況,他發現一枱4人客浪費的食物足以讓4個正常食量的人食飽,令人痛心。最後黃傑龍想出了惜食卡方案(簡稱紅綠卡),只要結帳時食完所有食物沒有浪費,即可換領優惠卡,於下次惠顧時減$10。每送出一張,牛角集團就會捐$5給環保團體。

來源:西店Hi客之道@Facebook黃傑龍@Facebook

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓