餐廳叫外賣照收加一服務費?港人嬲爆:已經過咗新年仲搵人笨

文: 溫藹紅
2024.02.20

外賣照收加一服務費?繼有本地食肆於農曆新年收「加三服務費」,遭全城誹議後,近日再有港人怒斥餐廳濫收加一,不解為何連叫外賣都要收取服務費,認為新年過後仍「搵笨」。

香港大部分食肆都設有「加一服務費」,即除了食品價錢,食客仍需付額外10%費用,幾乎是約定俗成的做法。不過,日前就有網民透過社交平台,怒斥自己在餐廳叫外賣,豈料都要收取客人「加一服務費」,直言「 點解賣都要加10%」?

她表示,自己於新蒲崗一間點心店買外賣,餐廳除了額外收取$1作盛裝外賣食品的膠盒費用,同時再額外收取「加一服務費」$3,令她大感氣憤。此外,亦有其他市民投訴同樣問題,認為沒有享用「堂食」服務,不解為何需付加一費用。

帖文引來大批網民留言,有人直言「初一二三你加一我都仲可以忍,都今日(初八)都仲加就真係要X」,認為是「搵笨」; 有網民就笑指,加一服務費或因「啲鳳爪排骨要用力撬落個盒度」,更有人打趣形容「要幫你將個飯放係個盒到,再放入個袋到,仲要放埋餐具同豉油,打結再由廚房拿去門口比你,咁多野做咁係要收返服務費」。

不過都有人認為做法其實頗普遍,「家陣大把舖掃Code,落單照收加一啦」,建議下次問清楚店家方落單。

▼網民留言▼

資料及圖片來源:Facebook@黃大仙區友(黃大仙,新蒲崗,鑽石山,慈雲山......)Facebook@黃大仙區友(黃大仙,新蒲崗,鑽石山,慈雲山......)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓