長者醫療券使用點今年第三季推出 增大灣區7間醫院及牙科機構

============
同場加映：
【家居達人】6種超簡單袋子收納 快摺環保袋、膠袋整理

============
政府宣布擴大「長者醫療券大灣區試點計劃」嘅適用範圍，5間被納入名單嘅綜合醫院，包括廣州市嘅中山大學附屬第一醫院、位於南沙嘅中山大學附屬第一醫院南沙院區、中山市嘅中山陳星海中西醫結合醫院、東莞市嘅東莞東華醫院以及深圳新風和睦家醫院，以上醫院均提供包括牙科嘅綜合服務。
至於兩間只提供牙科服務嘅牙科醫療機構，包括位於深圳市福田區嘅紫荊口腔門診部/深圳朱勝吉口腔門診部，以及深圳市羅湖區嘅愛康健口腔醫院。衞生署正與各試點醫療機構開展後續安排，包括人員培訓等，政府會安排港大深圳醫院與試點機構，分享使用長者醫療券嘅經驗及安排，預計各試點機構，今年第三季起陸續開展計劃嘅相關安排，詳情稍後再公布。

廣州市嘅中山大學附屬第一醫院，係其中一間被納入今次「長者醫療券大灣區試點計劃」嘅綜合醫院。

醫務衞生局局長盧寵茂說，新增試點後希望可更方便喺廣東省養老生活嘅長者，並且暫時唔會為計劃設立任何績效指標。連同現有嘅香港大學深圳醫院，以及該院嘅華為荔枝苑社區健康服務中心，合資格香港長者日後可在合共九間大灣區醫療機構，使用醫療券。盧寵茂稱港大深圳醫院去年使用醫療券就診人次達3.8萬，佔門診整體200萬服務人次2%。

盧寵茂稱港大深圳醫院，去年使用醫療券就診人次達3.8萬。

醫療券牙科適用    變相鼓勵市民北上治牙？！
今次醫療券擴大大灣區適用範圍，並且新增兩間牙科醫療機構，香港牙醫學會會長陳超余表示，唔少港人喺通關後，已有北上睇牙醫嘅習慣，香港牙醫嘅生意，本來已較以往下跌2至3成，而今次長者醫療券可在內地睇牙，加上參與嘅牙科機構都鄰近關口口岸，可能會變相鼓勵市民北上治牙。他預料本港嘅牙醫業界會再受到衝擊，生意再減少約1至2成。不過，陳超余亦相信香港人嘅求診習慣係重質素多於價錢，而香港牙醫水準及質素都較高，相信喺「熱潮」過後，尤其係剝牙等較大型嘅治療，消費者都會選擇高水準嘅服務。

陳超余指香港有一個有效嘅監管制度，令牙醫服務維持高水準，他建議如日後港人喺內地睇牙後出現問題，都應要有一個投訴機制作處理及跟進，同時亦應該對外公布選擇兩間牙科醫療機構的準則，提高透明度。

香港牙醫學會預料醫療券可讓長者北上整牙，料短期內本港嘅牙醫業界會再受到衝擊，生意再減少約1至2成。

【INFO】
「長者醫療券大灣區試點計劃」
網址：https://www.info.gov.hk/gia/general/202402/19/P2024021900215.htm

text/Joyce
photo/HKET圖片庫