《飯戲攻心2》胡楓羅蘭黎彼得親身謝票 即日起戲票買一送一!

文: 李國樑
2024.02.22

《飯戲攻心2》繼續穩坐賀歲片票房冠軍寶座,今日更特意舉辦「飯團三大長老破天荒謝票場」,邀請胡楓丶羅蘭丶黎彼得三大長輩聯同胡子彤以及導演陳詠燊出席謝票場,其後更出發去觀塘與新蒲崗「落區」向市民大派開運風車,與粉絲近距離接觸!最後《飯戲攻心2》團隊於活動完結時,更宣佈重磅消息,即日起戲票買一送一!

《飯戲攻心2》早前已衝破3,000萬票房,成為今年度目前最高票房賀歲片,今日(22/2)「飯團」長老胡楓(修哥)、羅蘭姐、黎彼得、堂細佬胡子彤以及導演陳詠燊(Sunny)親臨戲院跟觀眾見面和謝票,與觀眾近距離接觸,大玩有獎遊戲,送出開運風車以及簽名海報,延續上集的謝票場攻勢!

謝票場上首先由陳詠燊答謝大家:「希望大家喜歡、睇得開心、感動,最緊要有開心的新年氣氛,祝每一位身體健康。」修哥再開口表示︰「各位老友記好冇睇啊?這部戲是導演的誠意之作,開拍前經過深思熟慮,而家成績都非常之好,成為農曆新年期間賣座冠軍之作。」而羅蘭姐同樣多謝導演以及各位觀眾的支持︰「相信大家都有感受到這部戲的各種情感,會有感動亦會有心酸,全靠導演的一番心思。睇到粉絲話自己多次入場都好開心,自己有段時間成日睇早場,不過早前因疫情影響而減少,而家可以入戲院睇戲好開心。」

最後黎彼得搞笑講到:「我都好耐冇拍戲,這部戲冇得頂,估唔到續集翻轉來做,在粵港澳湛、全世界都有好口碑。早前東莞朋友打俾我大讚部戲好睇,希望之後開續集,在此送個戲名俾導演,下集可以用《安樂茶飯》,大家都有得食安樂電影公司的茶飯。」此外提及演唱經典金曲〈Monica〉的張繼聰時,黎彼得即時大讚對方聰明兼IQ爆棚,好鍾意佢又唱得唔錯,他笑指:「如果張國榮仲在生佢機會就較少,現在就巴閉,我俾89分佢,俾啲空間佢。」謝票過後,修哥、羅蘭姐、黎彼得、堂細佬胡子彤以及導演陳詠燊(Sunny)一齊「出巡」,去觀塘及新蒲崗「落區」向市民大派開運風車!

活動期間同時宣佈,今日起現凡於百老匯院線戲院票房購買《飯戲攻心2》正價戲票1張,同一場次帶同一位60歲或以上長者,該名長者即可獲同一場次《飯戲攻心2》免費戲票一張!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓