《飯戲攻心2》胡楓羅蘭黎彼得親身謝票 即日起戲票買一送一！

《飯戲攻心2》早前已衝破3,000萬票房，成為今年度目前最高票房賀歲片，今日（22/2）「飯團」長老胡楓（修哥）、羅蘭姐、黎彼得、堂細佬胡子彤以及導演陳詠燊（Sunny）親臨戲院跟觀眾見面和謝票，與觀眾近距離接觸，大玩有獎遊戲，送出開運風車以及簽名海報，延續上集的謝票場攻勢！

+2

點擊圖片放大

謝票場上首先由陳詠燊答謝大家：「希望大家喜歡、睇得開心、感動，最緊要有開心的新年氣氛，祝每一位身體健康。」修哥再開口表示︰「各位老友記好冇睇啊？這部戲是導演的誠意之作，開拍前經過深思熟慮，而家成績都非常之好，成為農曆新年期間賣座冠軍之作。」而羅蘭姐同樣多謝導演以及各位觀眾的支持︰「相信大家都有感受到這部戲的各種情感，會有感動亦會有心酸，全靠導演的一番心思。睇到粉絲話自己多次入場都好開心，自己有段時間成日睇早場，不過早前因疫情影響而減少，而家可以入戲院睇戲好開心。」

+6

+5

點擊圖片放大

最後黎彼得搞笑講到：「我都好耐冇拍戲，這部戲冇得頂，估唔到續集翻轉來做，在粵港澳湛、全世界都有好口碑。早前東莞朋友打俾我大讚部戲好睇，希望之後開續集，在此送個戲名俾導演，下集可以用《安樂茶飯》，大家都有得食安樂電影公司的茶飯。」此外提及演唱經典金曲〈Monica〉的張繼聰時，黎彼得即時大讚對方聰明兼IQ爆棚，好鍾意佢又唱得唔錯，他笑指：「如果張國榮仲在生佢機會就較少，現在就巴閉，我俾89分佢，俾啲空間佢。」謝票過後，修哥、羅蘭姐、黎彼得、堂細佬胡子彤以及導演陳詠燊（Sunny）一齊「出巡」，去觀塘及新蒲崗「落區」向市民大派開運風車！

點擊圖片放大

活動期間同時宣佈，今日起現凡於百老匯院線戲院票房購買《飯戲攻心2》正價戲票1張，同一場次帶同一位60歲或以上長者，該名長者即可獲同一場次《飯戲攻心2》免費戲票一張！