綠置居啟鑽苑錄120宗撻訂 撻訂業主未來兩年無得再抽居屋？

============
同場加映：
【家居達人】6種超簡單袋子收納 快摺環保袋、膠袋整理

============
據房委會《一手住宅物業銷售條例》嘅成交紀錄冊資料，截至2024年2月20日下午4時，綠置居啟鑽苑共有120個單位撻訂，立法會房屋事務委員會議員梁文廣表示，2,000多個單位內有6％單位撻訂，情況比較少見，他指以往一般綠置居屋苑，只有10至20宗撻訂個案。撻訂單位其中，逾半數為開放式單位及納米單位，有估計可能與日後納米樓絕跡有關，市民寧願浪費數萬元撻訂，改抽日後新落成、單位面積較大嘅屋苑。

截至2024年2月20日下午4時，綠置居啟鑽苑共有120個單位撻訂，情況算相當少見。

綠表人士購買居屋需先付首期5％，而白表申請人則需先付首期嘅10％，有關撻訂，除咗蝕咗錢，會唔有其他影響呢？梁文廣稱撻訂對綠表人士嘅公屋資格無影響；但公屋聯會總幹事招國偉就表示，現時申請居屋嘅資格要求有提到，不論以綠表或白表申請，申請人均要喺遞交申請前24個月內，唔可以持有物業，亦不曾簽署任何買賣協議，所以喺呢個要求下，即表示若市民撻訂居屋後，該業主喺未來24個月會因為未符上述要求，而無法再申請居屋及綠置居。

公屋聯會總幹事招國偉就表示，不論以綠表或白表申請，該業主喺未來24個月會因為未符合要求，而無法再申請居屋及綠置居。

text/Joyce
photo/HKET圖片庫