九龍城方榮記「天價」$180食沙嗲牛炒大光麵 網民:可以買到幾箱

文: 溫藹紅
2024.02.27

港產頂好大光麵爆紅,連帶選用大光麵的餐廳都被「炒熱」,其中九龍城「方榮記」最近都加入大光麵熱潮,門店大推沙嗲牛炒大光麵,不過價錢都繼續保持水準,每碗售價近$200,被網民喻為「天價」引起討論。

曾被小紅書先捧後踩的九龍城火鍋名店「方榮記」,仍然有不少老顧客捧場。 有網民就留意到,最近餐廳都繼續乘勢而上,店門貼出「沙嗲牛肉炒大光麵」餐牌,不過價錢就繼續令市民「大開眼界」?

方榮記沙嗲牛肉麵平日每碗要價$70,同樣選用大光麵做麵底。不過從網民上傳的相中所見,餐廳推出的沙嗲牛炒大光麵,每碗售價標榜$180,再回顧2021年,當時沙爹牛肉炒大光麵索價$125一碗,近3年內加價$55,有網民形容猶如「天價」,大嘆「食唔起」。

不少網民直言對價格感驚訝,認為$180可以買到幾箱大光麵,「即係沙嗲牛肉炒公仔麵,點解可以賣到咁貴」、「我寧願去銅鑼灣食X蘭拉麵」;不過都有人認為「唔關大光麵事,呢間嘢啲牛係收咁貴」,又指明碼實價「無人迫你食」。

▼網民留言▼

 

資料及圖片來源:Facebook@香港突發事故報料區及討論區Facebook@香港茶餐廳及美食關注組Facebook@筲箕灣西灣河關注組Facebook@香港沙爹牛肉麵關注組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓