30歲TVB小花蘇可欣離巢後轉投新公司！IG曝最新動向疑重投航空業發展
現年30歲的前TVB無綫娛樂新聞台主持蘇可欣（Eunice）離巢後重投航空業發展！蘇可欣於今年2月底在IG社交平台上發文公布離巢消息，寫明「呢個世界好大 我想去望下」、「我哋換個地方再見」，圈中好友陳詩欣、駱胤鳴、吳紫韻留言恭喜時，蘇可欣的回覆亦進一步證實離巢消息，並將重投老本行做空姐。
蘇可欣日前在IG限時動態上發布最新動向，透露將重投航空業老本行，並貼出了一張去到香港航空訓練大樓（Hong Kong Airlines Training Centre）的照片，寫道：「終於唔係因為交sick leave返嚟」，似是已轉投新公司，重啟航空行業工作。
TVB小花蘇可欣早前在IG社交平台上撰寫長文，寫道：「呢個世界好大 我想去望下，當初離開香港航空嘅時候，有同事問我值得嗎？一轉眼將近八年時間，喺TVB既日子令我見識很多，學懂很多，係時候翻開新嘅篇章向前走。我一直深信我是幸運的。誤打誤撞走上了當主播司儀嘅路，我好感激娛樂新聞台帶比我嘅一切，係呢個温室嘅時間，快樂時刻佔絕大多數。我會懷念跟你們在大房的歡樂時光。」
蘇可欣感恩加入公司8年遇到的人與事，續稱：「多謝我經理人雲妮，湊左我八年時間，我知道非常唔容易。因為我絕對講唔上係一個聽話嘅女仔，比起話好 我更加多時間都講緊唔好，咁多年嚟辛苦你了。對於我嘅所有，佢比我更加上心。佢成日同我講「我希望你上台好好睇睇」，所以無論大大小小嘅活動，佢都會替我安排很多。私下嘅我其實唔擅長同人溝通，呢個時候佢總會陪伴我左右代我說話，當然有時佢都會做幕後推手令我防不勝防，但係我都會由心底去感激你，咁多年高高低低感恩有你陪伴。多謝一眾台前幕後嘅同事，一齊共事嘅時光會長留我腦海之中。」欣亦分別以「你要加油呀Eunice」、「跟上你同Tam了（離巢）」、「❤」回覆，進一步證實了離巢TVB的消息。
現年30歲的蘇可欣（Eunice）曾參與2016香港小姐競選並躋身20強，參選港姐前曾任職了兩年半空姐，入行後代表作品有《3日2夜》及無綫娛樂新聞台主持工作，參與劇集有《愛‧回家之開心速遞》、《十八年後的終極告白》、《愛．回家之開心速遞》及《飛常日誌》等，現與TVB合將剩下不足一年的她，亦已逐漸減少幕前工作。
問到蘇可欣當初為何投身空姐行列，她笑言是受無綫經典劇《衝上雲霄》啟發：「好老套地真係因為《衝上雲霄》而想做空姐，應該話佢係呢個職業夢嘅種子。到有一次好偶然見到個女仔著住空姐制服加大褸，好有氣質好端莊咁，令我更立志要加入呢個行業。」於2014年加入空姐行列的蘇可欣，於2年半後毅然離職，並笑言當年參選港姐時只是想「Take個Break」，沒想到之後很快便決定轉行。
同場加映：【衝出嚟玩】最新影片
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
