TVB新劇《再見‧枕邊人》由馬德鐘、黃智雯、張曦雯主演，昨晚（29日）一集有《愛．回家》杜演、蔥頭合體演父子，丘梓謙刻意以露鬚根及亂髮造型上陣，務求搣甩蔥頭味，扮演20零歲少年可謂零違和感。童星出身的「蔥頭」丘梓謙其實已屆30歲，他愛訪時就親揭減齡秘訣 ，原來全靠「髮型的重要性」！
昨晚（29日）劇情講到失憶女主角顧晴天（黃智雯Mandy飾）甘願做餌引蛇出動，希望找出當年失蹤真相，其間發現跟蹤其入後巷的持刀兇徒，竟是晴天多年前訪問的天才兒童黎家明（丘梓謙Adrien飾年青版）的父親黎秋（李啟傑飾），而之前從高處掟花盆偷襲晴天的人亦是黎秋。黎秋直斥晴天當年撰寫的報道害他妻離子散；自感有愧於黎秋的晴天，遂幫對方找回失散的兒子家明以作補償。當晴天促成黎秋與家明見面後，家明卻道出事件另一版本，黎秋被踢爆把兒子當作搖錢樹之餘，爛賭、酗酒、家暴妻子更是樣樣齊！
在《愛．回家之開心速遞》中分別飾演「杜演」及「蔥頭」的李啟傑及丘梓謙，現實中關係匪淺，丘梓謙大爆二人是秘密「情人」：「同啟傑師兄喺《愛．回家》成日見，當咗佢係男朋友，見到面會叫佢BB！知道佢演我老竇好開心亦好放心。」丘梓謙是次飾演家明除了要挑戰大量內心戲，造型上亦花了不少心思及功夫：「我以往好多角色都有遮鬚根嘅習慣，好似蔥頭咁，因為要模仿韓星感覺。家明雖然細個係尖子，但因為家庭問題令佢變得反叛，所以造型較頹，我亦刻意冇遮鬚根同唔整頭。」
談到年屆30歲的丘梓謙、演繹二十出頭的角色完全零違和，問到丘梓謙減齡妙方，他笑言秘訣在於「髮型的重要性」：「我2014年訓練班畢業嗰幾年都係all back、側面剷到超青，嗰陣已有幕後同我講覺得個髮型唔襯我，夾硬扮成熟咁。直到拍《換命真相》黃偉聲監製叫我試吓《繼承者們》李敏鎬個髮型，大家即刻覺得我年輕咗，之後《愛．回家》監製就搵我演蔥頭，可以話係我嘅轉捩點。」丘梓謙續指最近亦真的多了不少飾演「後生仔」機會，令人期待。
談到昨晚家明看到亡母訪問後爆喊場口，丘梓謙透露拍攝時其實只是對著綠幕演戲，幸獲對手Mandy耐心給予時間培養情緒：「因為越緊張越喊唔出，嗰集一日要拍晒咁多場，我自己都驚！好彩Mandy陪住，亦冇畀壓力我，先可以好輕鬆咁完成拍攝。」丘梓謙透露自己熱愛看電影，尤其鍾情張家輝的作品，翻看之餘更會細琢家輝眉頭眼額等細節位學演戲：「好想學習佢哋呢啲影帝級，點樣從一個眼神、一個呼吸，令觀眾睇得投入。」去年，丘梓謙在電影《爆裂點》中正正飾演張家輝兒子，可謂一圓跟偶像合作夢想。
至於飾演黎秋的45歲綠葉演員李啟傑，演活劇中貧窮愛賭「衰老竇」，為求取得兒子當年比賽贏得的房子，不惜跪地認錯之餘，更爆金句盡顯「衰格廢老」本色：「話晒養咗你十幾年，你就咁撇低我，走都唔緊要，你留番撻地方畀我住吖！」李啟傑受訪時透露演出前有參考經典劇集《大時代》中的「丁蟹」角色，並笑言最困難是說服自己「黎秋是對的」，啟傑說：「丁蟹嘅人設，就係責任不在我方，我嘅損失係人哋造成，拎住呢點嚟做就OK。」李啟傑續指對於演員來說，能夠挑戰不同類型角色絕對是開心事，他又大讚Mandy是好演員，大家交流期間更不斷互相「調較」演技，務求做得最好：「我哋喺導演嘅框框下進行變化，好好玩！」
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
