TVB新劇《婚後事》自播出後引爆網絡熱話，首周已爆出不少經典場口及對白，六位主角亦順理成章人氣勁升，劇集在內地一樣備受熱捧。在《婚後事》播出兩集後，豆瓣已開出了8.3分的高評分，之後隨著劇集熱播，分數一直持續攀升，更一度衝至8.8分，相當厲害。
由羅子溢、陳自瑤、黎諾懿、賴慰玲、羅天宇及王敏奕主演的《婚後事》，於內地同樣迴響極大，在豆瓣評分一度衝至8.8分，雖然截至今午12時正，分數稍為迴落至8.7分，但仍然是相當理想的分數，內地網留言亦盡是好評：「TVB給陳自瑤一個視后吧」、「五星預定，多視角敍事，Yoyo真是不容易，怠覺得出現實中羅仲謙（子溢）很愛孩子」、「第四集直接讓人淚奔」、「請一直狠下去」。
有見及此，TVB官方加推一系列《婚後事》主演對談訪問，讓觀眾更深入了解六位主角拍攝《婚後事》時的心路歷程及點滴，而打響頭炮的是飾演張明芯的陳自瑤（Yoyo），以及飾演潘善仁的羅子溢。
談到張明芯與潘善仁，話題度最高的必是第五集的激情親熱場口，對於之前甚少拍親熱戲的陳自瑤來說，她坦言拍攝時對於整個劇組、尤其監製及編審是投以百分百信任票：「所以我從來冇質疑過個劇本我應該係演少啲吖，定唔好演到咁，我哋呢個劇會講好多感情好豐富嘅Moment，就好似善仁同明芯即將要分開、又經歷咗咁多嘢，所以咁樣嘅場口或感情戲、先可以帶到佢同前夫嗰種感覺，我只能盡力調節心態去演好。」
之後Yoyo竟拋波給羅子溢並笑謂：「當然因為你呢個情場老手，真係帶得我好。」子溢聞言先是一秒尷尬，之後再搞笑畀晒反應謂：「我從來冇質疑過自己嘅能力。」
陳自瑤續指拍攝《婚後事》時很難抽離，更瘋狂至「每日一喊」：「之前拍劇我可以好快走番出嚟，但呢套劇我同你（指羅子溢）都真係最多情緒戲同喊戲，個情緒困得太耐，（羅子溢：「可能一日（喊）幾場」），同真係每一日都有喊戲，就算最簡單嘅戲，都梗有一場（喊戲）。但我覺得係好事，因為我已經喺個角色，我唔想太抽離，我都驚自己入唔番去。」
至於羅子溢，則被陳自瑤追問「對潘善仁的共鳴位」，羅子溢指出兩大共通點：「我會將所有責任都攬晒上身，同埋我會沉溺喺自己嘅反思入面，成日自己諗嘢，又唔係好擅於表達，可能有時係男人嘅自尊心作崇，想自己諗方法去解決同安慰自己。」
羅子溢續指與太太楊茜堯由拍拖到結婚也有十年，故此處理角色時感受很深：「真係覺得婚姻有 高有低，會有唔啱嗌交嘅時候，三日一小嗌，七日一大拗，可能為咗小朋友都會有啲分歧。同埋亦都明白到一個男人結咗婚之後，係需要一啲空間去沉思，未必想逃避，可 能係一個情緒嘅抒發。」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
