黃心穎自從「安心事件」之後就變得低調，連佢同樣都係做藝人嘅大家姐心美都「神隱」埋，反而二家姐心妙近年就非常高調，除咗不時派福利之外，仲會分享自己湊細路嘅生活。日前佢就帶囡囡去釘耳窿，中間發生咗啲小意外，令囡囡無啦啦要捱多啲痛，認真陰功！
黃心妙同老公結婚多年，誕下一仔兩女，兩位囡囡都深得媽媽真傳，見到佢哋嘅美人胚子！而佢哋都同媽媽一樣咁貪靚，除咗平時成日同媽媽一齊擺甫士影靚相之外，日前細女（Livi）仲跟媽媽去穿耳窿，細女釘耳窿嘅過程仲被佢影低。片中見到Livi面容扭曲，壯甚痛苦，原來當中發生咗啲小意外，心妙留言：「釘耳窿卡針，姨姨試徒手穿番耳釘，睇到都覺得痛，妹妹太勇敢喇！怕妹妹再痛多次，下次再嚟過。」
同場加映： •Gi-Force演唱會補場｜炎明熹大學成績表比預期中理想 投入工作未Feel到有追求者
片段入面妹妹痛到兩度乸埋口面，不過都冇叫亦冇喊，得7歲嚟講，佢嘅忍耐力真係相當驚人。不過當媽媽再問佢要唔要釘埋另一邊嘅時候，佢就話唔要喇，睇嚟真係痛到頂唔到！不過之後見到心妙post出「家庭電影」夜嘅合照，相信妹妹已經冇晒事！
黃心妙雖然係三孩之母，但身材一啲都冇走樣，零贅肉之餘皮膚仲好光滑，而佢都好大方，幾乎每個星期都喺社交平台大曬身材，仲經常挑戰性感極限，泳衣少布到僅僅遮住私人部位，睇到眼都跌出嚟。心妙亦因為吸咗唔少fans，除咗一眾男性之外，都有唔少女生大表羨慕，而兩位囡囡都以媽媽為靚靚標準，而心妙都因為偏瘦同細粒，就快可以同兩位囡囡交換衫着喇！
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓ 【🎁送】Aurabeat AG+銀離子抗病毒納米濾網🌟！↓
↓濾網有2層過濾💪10分鐘內殺滅99.9%病毒及細菌🦠↓
