康子妮近年轉換跑道投身保險界，有不錯的成績，作為斜槓族的她瓣數多多，除了保險以外，一向唱歌了得的她亦成為容祖兒的演唱會班底之一，大多數擔任和音的工作接近5年時間，飛來飛去不同地方登台。康子妮被發現近日改名，更將會跟梁釗峰、李幸倪、柱德偉、《中年好聲音》參賽者柳冕等一齊為愛心獻唱，正式由和音走到主唱位置，莫非改名為出道？
康子妮早前為事業改名重新出發，現名為康滎舫，她笑言找師傅改名，五行欠水，所以改名轉轉運。近日除了前夫林曉峰在內地舉辦巡迴演唱會外，原來康子妮都一樣開音樂會，疑似再出道為歌手鋪路，她表示今次參與的《若然世界沒忽略2024‧保單捐贈音樂會》是她擔任委員會副主席，所以為慈善而出力，音樂會將於3月19日在西九戲曲中心舉行，心情難免緊張。 她說：「我好鍾意唱歌，之前都有好多人提議我參加《中年好聲音》，不過我只係鍾意唱歌，唔太鍾意競爭性，所以我幫容祖兒演唱會做和音，負責喺後面做backup就好。獨唱對我而言其實冇咁大癮，今次演唱會我都會唱兩首，為咗善事要衝出自己comfort zone（舒適圈），有同一位只有三隻手指嘅鋼琴家會同我合奏，亦為我伴奏，我都好期待。」
同場加映： Gi-Force演唱會補場｜炎明熹大學成績表比預期中理想 投入工作未Feel到有追求者
康子妮透露今次合共八個單位演出，她佔兩首歌，問到家人會否捧場，她說：「兩個仔一個喺加拿大嚟唔到喇，另一個喺日本返嚟，我一定捉佢睇騷，佢哋好乖，每次都睇我演出，不過今次唔同，我畀錢買飛，請埋爸爸媽媽，爸爸媽媽本身好宅好少出街，今次好畀面我，二話不說嚟支持，因為活動好有意義。」她表示今次音樂會推廣的1%保單捐贈，能幫到很多香港慈善機構，單計2022年申保賠償去到1100億，若每名香港人都捐1%出來，就會有17億去幫助慈善機構，幫輕到政府。至於康子妮的飲歌，她笑言一定是容祖兒，「我哋2019年開始合作到今日，中間雖然停咗疫情一段時間，但淨係計上年已經一齊做42場騷，每場騷都有過百首歌係library，最認識香港女歌手嘅歌就係容祖兒，就算我唱K都係揀佢嘅歌！」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
