不少香港人都有請外傭，幫忙處理家頭細務、照顧小朋友！近日有準媽媽網上發文求助，稱自己是第一次請外傭，早已找仲介幫忙辦理其簽證以及入境手續，本以為萬無一失，卻沒想到準備起飛前一日，工人姐姐因一件事未能如期上機到港工作，讓她不禁直呼「係咪所有費用凍過水？」
日前（11日）該名準媽媽就在社交群組「聘請工人姐姐關注組」上發文，表示自己即將在4月上旬分娩，所以很早便計劃聘請外傭以減輕家務負擔和照顧子女，並找來仲介辦理外傭的簽證以及其入境手續，「以為搞左咁大輪終於嚟到，點知臨飛前一日佢到Agency Office報到，驗孕測試（Pregnancy Test）驗到佢很淡的陽性（weakly positive）」。
聽到消息後，事主對此感到非常錯愕，她表示「放咗咁多心機落去搞，已買哂佢日用品，買埋新櫃比佢用，裝好個櫃仲whatsapp佢，等佢知我地幾welcome佢嚟，執乾淨哂間房嚟迎接佢」，沒想到卻迎來這樣的結果，同時她也疑惑「咁係咪所有費用凍過水？」於是只好網上發文求助。
帖文一出，隨即引發熱烈討論，網友看後紛紛留言表示事主好好彩，「唔嚟仲好啦，換個新。一切都係最好的安排」、「你好彩喇，換個一個喇，啲錢唔慳得，你要個大肚婆來供養佢？」、「叫agent免費換個俾你」，也有網友表示事主臨盆在即，「嚟唔切搵下一個（外傭）」，提醒她現在應盡快找家人或是請陪月幫手。
事主看到網友回覆後，發現不少網友也以為她是透過香港仲介聘請外傭，於是在留言中重申「我係朋友介紹個姐姐嚟，唔係經agent介紹，都可以免費幫我換嗎？」、「朋友嘅工人姐姐話個表妹想嚟做，呢個表妹剩係係菲律賓做過」，表示自己只是找本地仲介幫忙辦理其簽證以及入境手續。隨後她又在文中更新狀況，稱該名外傭去了另一間診所檢驗是否懷孕，現在第一間診所是weakly positive，第二間則是negative，並再次詢問網友們「你地比唔比佢嚟？」
▼事主更新帖文▼
大多數網友則表示「無agent！咁換唔到啦…」、「個工人你搵返嚟，唔關個Agent（事），一定唔會免費換，只會收錢同你重新搵過個」、「咁一定攞唔返，都唔洗係度問，係你自己搵返嚟個工人出問題，唔係agent介紹」，同時又建議事主不妨多等幾個星期，「叫個工人等多/兩個星期再驗清楚先安排佢來」、「等多一個星期再驗，應該會準確啲掛...」。
來源：FB@聘請工人姐姐關注組
同場加映：【著數慳家王】最新影片
港生活人氣本地熱話
↓【限時搶⚡】La Maison du Chocolat 冰雪朱古力禮盒↓
↓香脆朱古力外層｜配上軟滑朱古力慕斯↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
