蕭唯展（原名蕭潤邦）早年做模特兒出道，之後曾與古馳組成「Bliss」，但在2008年退出樂壇。同年蕭唯展赴上海學習製作生煎包，2年後在與友人合資，在香港經營生煎包店，現在發展成連鎖店，搞得有聲有色。而最近生煎包店更與航空公司合作做飛機餐，衝上雲霄。太太江若琳更留言：「驕傲」。
同場加映： 12怪盜｜Anson Lo拍動作戲太肉緊成受傷擔當 姜濤靠Stanley教戲不惜自嘲體重
蕭唯展早前親身上飛機，試做空中服務員體驗廣播及派飛機餐。影片中他親自將生煎包送到乘客手中，更開咪廣播。而江若琳亦有上機支持老公，蕭唯展Po出為老婆送餐片段，留言：「一個我上天下海都會保護佢嘅人。一個每件小事佢都會責罵我嘅人。一個每件大事佢都會支持我嘅人。希望你滿意我今次嘅服務。 yes well show you show you all my love 應承我不要嬲我，我知我一直在玩命，但是我願意。」非常Sweet！
蕭唯展回望這十幾年的創業經歷，感慨萬分。他憶起當年曾遭朋友反對做生煎包：「十幾年前，我想開一間生煎包店，好多朋友話畀我聽，我嘅選擇係錯嘅，佢哋話我連煮個白飯都唔識，唔會有人會想食我做嘅生煎包，唔好發夢，唔好再講夢想，唔好再浪費青春，好好地搵份工。」
但目標清晰的他並沒有理會旁人反對，堅持做生煎包：「我好清楚自己做緊乜，為咗啲乜，我嘅夢想又係啲乜，正因為我唔想浪費青春，所以我更加無時間去諗.....我係咪浪費緊青春，淨係想做好我嘅本份，做好每一個生煎包。」
蕭唯展回想起開張第一天，「拉開鐵閘我響廚房望出門口，差唔多有過百人喺舖頭門外等緊食我做嘅生煎包，好感激。雖然當時工作時間好長，每天閒閒地16小時，又無假放，但係我覺得好值得，因為我知道，付出嘅努力係唔會白費的。」他續指：「過咗咁多年喇，人生經歷多咗，分店多咗，同事都多咗，但係我嘅夢想依然都係得一個，做好每一個生煎包。然後我發現，當你好用心地去做好一件事，夢想唔單止會實現，而且超乎想像，甚至會飛行。」
圖片：蕭唯展IG
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
