《愛．回家之開心速遞》中飾演「譚道德」嘅陳榮峻昨日公布好消息，上年佢曾經表示今個月會去到紐西蘭探喺當地工作嘅囡囡，估唔到原來係去見證阿女出嫁。
陳榮峻Post出數張同太太吳香倫以及同囡囡嘅合照，留言：「我個造型似唔似新郎哥？」原來佢係遠赴紐西蘭嫁女，佢又上載一張親家嘅「聘書」，親家於紙上更大讚陳榮峻女兒：「貴府千金穎儀天生麗質、端莊優雅、知書達禮、善良賢淑，實乃我門之大幸。」而陳榮峻收到如此有誠意嘅聘書都感到好高興：「超開心，感覺備受尊重，今時今日都仲有傳統禮儀。」
同場加映： 娛樂 • 12怪盜｜Anson Lo拍動作戲太肉緊成受傷擔當 姜濤靠Stanley教戲不惜自嘲體重
相中見到陳榮峻囡囡同平日見到嘅斯文四眼妹look唔同晒，着上婚紗嘅佢仙氣十足，激似上年出嫁嘅TVB女神曾淑雅（Jumbo）。陳榮峻其實上年曾Po出與女兒於機場嘅合照，留言：「送機！梗係有啲唔捨得。」陳榮峻接受本網訪問，指女兒一直於外國居住，已經過咗當地15年，並喺紐西蘭做護士，每年都會返香港一次探佢。佢又大讚囡囡叻女，現時學歷可以協助醫生睇症同處方藥物。
陳榮峻早年與圈外妻子鄭安麗結婚，二人育有兩子一女。不過鄭安麗於2010年因腦溢血逝世，陳榮峻一度難走出喪妻之痛曾欲輕生，幸得好友陳國邦及陳錦鴻開解才走出喪妻陰霾。2015年陳榮峻與吳香倫拍拖，2018年結婚時在四代同堂見證下再為人夫，再婚時亦獲女兒專程返港為他們慶祝。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
