恭喜！30歲TVB藝人關曜儁（Leo）宣布太太兩年抱兩，再為人父。昨日（17日）是大女關凱妃（Lorraine）一歲生日，Leo與太太Twinkle除了在家中天台為愛女舉行生日party外，亦順道舉行baby shower，公開第二胎的性別。
同場加映：12怪盜｜Anson Lo拍動作戲太肉緊成受傷擔當 姜濤靠Stanley教戲不惜自嘲體重
Leo今日在IG宣布喜訊：「好好好！上天賜咗一個好字俾我哋，我哋屋企又多一個家庭成員啦！3月17號係凱妃一歲生日，亦都係性別揭曉派對嘅大日子。多謝咁多位家人同埋好朋友同我哋一齊分享喜悅，同埋送咗好多禮物畀凱妃，大家嘅愛我哋收到晒，多謝你哋！」而好友張振朗及朱敏瀚都有到場，更送了醫生玩具套裝給Leo大女，Leo笑言：「可能佢哋想阿囡大個做醫生。」
Leo接受《晴報》訪問，指自己一直想要個囝囝，「想組成一個好字，咁啱又有，真係太好運。」他又指暫時兩個夠晒數，「我哋計劃咗第二胎喺龍年生，暫時兩個夠數。因為養兩個都幾辛苦，而家養大女都用咗好多時間。」問到囡囡知道自己會有個細佬，有無咩反應？佢話：「佢係尋日被拮波公開性別嘅時候嚇親，不過我哋都同佢講到時要好好照顧細佬。因為我有兩個家姐，我覺得大女會做到家姐呢個責任。」
今年將31歲的Leo，指成為兩孩之父都是自己目標之一，「都想三年抱兩，都係預期入面目標，希望會提供到佢哋一個快樂嘅成長同學習環境，所以要努力啦！」
圖片：受訪者提供
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
