無綫綠葉王陳狄克上周五（15日）於醫院離世，享年76歲。曾在劇集《大帥哥》與陳狄克演父女的吳嘉儀（阿七），昨晚（18日）分享多張拍攝花絮照片懷念「老豆」。
同場加映： 出租家人│陳家樂感激嫲嫲積蓄助發明星夢 周家怡後悔惹怒家人被趕出家門
阿七上載多張與陳狄克拍攝《大帥哥》時的照片，相中的陳狄克笑容和藹可親。阿七留言說：「『老豆，一路好走😢阿娟會乖』，自從剛入行拍《大帥哥》做你個女之後，由香港到佛山，之後喺公司每次撞到，都會叫你『老豆』、你又叫返我『點呀阿女』感覺好親切🤍你現實中的女兒也會為你這個勤力、豁達的爸爸感到驕傲。」
阿七除了上載她在埋位時拍攝陳狄克的笑臉照，還有一條短片：「最後的片段時跟你開玩笑叫你演繹你經典殺人王狄克的英文對白。」片中，陳狄克一秒入戲說：「Who sent you to kill me？」可見陳狄克好玩得。16歲入行做幕後的陳狄克，曾獲武指韓義生與監製宗燦枝邀請，擔任1976年麗的劇集《中國殺人王》男主角，亦是他職業生涯中唯一一次男主角。
近年，陳狄克在《法言人》中演拾荒者「釗伯」，被控在垃圾站放火，最後獲撤銷控罪。陳狄克留下遺作《逆天奇案2》及《神耆小子》，而昨晚一集《再見‧枕邊人》亦見到他的蹤影，他飾演茶餐廳老闆，為羅天宇及麥秋成點餐，又豎起姆指大讚麥秋成英雄救美。
昨日，張雷向本網證實陳狄克死訊：「打電話畀佢太太得知消息，15號已經走咗，70幾歲年紀大喇，佢喺屋企話唔舒服，跟住送去醫院之後走咗喇，通常醫生講老人家都係話肺炎嘅。佢平時都算幾精神，唔係病君，幾個月前仲有見面出嚟飲茶。」張雷形容陳狄克「好玩得」：「以前一齊開工一齊玩，好Friend ，平時好好傾，大家圍埋一齊就會吹水，好玩得。」
圖片來源：IG、電視截圖
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
