何猷君撩哥哥鬥快食雪糕冇偶包 何猷亨面形優化被讚愈大愈有型
已故賭王膝下兒孫滿堂，而佢嘅子女一舉一動都會成為大家焦點，日前四房子女為家族餐廳同酒店宣傳，較少露面嘅四房長子何猷亨外形再次成為焦點。
四房細仔猷君娶咗中國名模太太奚夢瑤，二人不時都會上一啲內地綜藝節目大曬恩愛，算係比較高調嘅一位。而佢現年30歲嘅哥哥何猷亨就相對低調，但都有不時同女星傳緋聞，而仍然未娶嘅佢就自然成為城中筍盤。
同場加映： 娛樂 出租家人│陳家樂感激嫲嫲積蓄助發明星夢 周家怡後悔惹怒家人被趕出家門
日前猷君拍咗一條短片，片中佢同哥哥猷亨各自拎先一杯雪糕，猷君話要同哥哥玩鬥快食晒，叫哥哥倒數3、2、1先開始。不過猷亨一數3嘅時候，猷君已經出貓偷步一啖咬落雪糕，猷亨即刻講咗一聲「頂」，就一口食晒一杯雪糕，後來居上。輸咗嘅猷君要飲晒另一杯奶昔，真係睇見都飽；而哥哥雖然贏咗，但都見佢好錫猷君，主動話要幫佢飲埋剩低半杯，見到佢哋真摯嘅兄弟情。
除咗短片之外，小紅書都有網民影到當日猷君、猷亨同妹妹超欣以及奚夢瑤嘅相，甚少出現嘅猷亨被大讚面形優化咗，比起之前又方又闊，而家就瘦咗好多，輪廓出晒嚟，留言：「哥哥好像去微調了，以前面很方。」、「我也覺得腮骨細了。」
港生活人氣本地熱話
↓【限時搶⚡】勁賞⻁標SENSORIAL THERAPY精油乳液(薄荷)↓
↓舒爽呼吸，清新醒神｜舒緩壓力，提升專注力↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
