不正常愛情研究所|男團成員被爆DM女粉絲上屋企學唱歌 驚爆事主真身貼士「實力派」

文: 羅志宏
2024.03.21

逢周四晚10點播映的J2 (82台)節目《不正常愛情研究所》最新一集將會再有「核彈級花生」爆料,今集研究題目是「音樂情人」,女主持麥惠琪(Susuca)就大爆有一隊男子組合當中一位成員,DM女粉絲上屋企學唱歌,她又公開兩大貼士爆事主真身,直指該名歌手是唱得之人,身份可謂呼之欲出。

節目中講到,女主持麥惠琪對音樂人似乎沒有好感,她直言曾有多位從事音樂工作的追求者,大都很自我且多愁善感,她透露︰「試過有位追求者朝朝彈結他畀我聽當morning call,又要我去佢嘅音樂會,個人已經好攰,去到仲要同啲妹妹迫。」她再爆出一單發生在朋友身上的食fans事件,涉及一隊男子組合當中一位成員,她說︰「朋友喺朋友圈講,話同某歌手約會學唱歌。問起原因係對方DM讚我朋友cute。」友人又透露每趟都是上男方家,避開狗仔隊追蹤。

Susuca補充說︰「之後佢每次約會都會分享,有次仲好開心話已經同對方一齊,仲叫咗男朋友公開。」接住的套路都好易估,男方以影響事業為由拖延,最後不了了之。Susuca表示事後發現有多名女仔,都收過同一人同樣的DM,證明該歌手是識途老馬。

「以練歌為名約女fans上屋企」事件吸引各主持好奇追問,Susuca只提供貼士表示︰「實力派,可能佢真係教人唱歌,佢唱歌咁勁。」

同場加映:【香港周圍遊】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓