東張西望|筲箕灣垃圾屋驚現巨大老鼠屍體 滿佈曱甴女戶主不肯歸家

文: 溫藹紅
2024.03.20

《東張西望》兩晚報道筲箕灣垃圾屋個案,屋內衞生情況惡劣至極,慘不忍睹。單位戶主Pinky更寧願「瞓街」亦不肯歸家且一度失聯,至早前成功聯絡後終入屋一探究竟,豈料「垃圾屋」內驚見巨型老鼠屍體,更滿佈曱甴其中身長逾3吋,實在恐怖。

《東張西望》攝製團隊近日直擊採訪「筲箕灣垃圾屋」個案,不少街坊指單位情況惡劣,而且臭氣沖天,女戶主Pinky則寧願「瞓街」亦不願回家,早前更突然因腳腫入院且一度失聯,及後獲街坊協助成功尋人。

經了解,Pinky昔日曾任職會計,而且熱愛打扮,惟後來受情緒困擾而長期酗酒,更終日流浪街頭,有時寧「擔櫈仔」在門口睡覺亦不願入屋,細問下她表示,間屋「污糟到我都頂唔順」。

▼「垃圾屋」環境▼

Pinky批准攝製隊入屋,甫打開門已經可以見到屋內堆滿雜物與垃圾,而且數量繁多,已累積至記者膊頭位置,相當誇張。最恐怖的是,屋內地下更躺著一對老鼠屍體,其中一隻更指是《東張》拍攝以來見到的最大老鼠屍,體型相等於一隻貓,甚至比酒瓶更大。

▼驚見巨型老鼠屍體▼

除了大廳,連廚房及廁所都無一倖免,中間走廊更是堆滿一袋又一袋垃圾,包括有食物殘餘物、嚴重發霉的衣物、周地酒瓶及積水等,以致全屋滿佈曱甴,且有超多曱甴卵,每走一步都十分驚險。

提及為何酗酒,Pinky表示自己是為了忘記30多年前的情傷。她表示:「以前男朋友好有錢,成日揸靚車搵我,冇一個真心真意做嗰樣嘢,玩玩下無個認真、唔想有人傷害自己,成日畀人呃到喊住返屋企,明明同居諗住結婚,最後都係分手。」然而10年前,她再遇喪母之痛,更加令她一蹶不振。

食環署早前與義工及義務滅蟲公司上門,為單位噴灑滅蟲液體後一度封實大門,但仍有不少曱甴走出門外。正式開始清屋行動,全部人均身穿保護衣、手套等裝備,期間曱甴老鼠橫行,清走垃圾時多隻巨型曱甴更四處遊走,其中一隻「曱甴王」身長更有3吋多,十分驚人,甚至有《東張》工作人員被曱甴爬上身!

▼恐怖「曱甴王」▼

義工團隊花費數小時清理客廳後,再清理攻睡房,見到天花板已經發霉至爛,裏面更滿佈石屎、昆蟲屍體,情況非常混亂。清理睡房期間,更有老鼠竄出,期間義工團隊與老鼠上演「追逐戰」,可怕至極。團隊最終花大半日時間完成清理垃圾屋,同時為Pinky提供二手家俬及電器。

▼義工與老鼠搏鬥▼

Pinky哥哥鍾先生當日亦有現身,為妹妹打理,惟他直言:「心痛嘅,佢精神不嬲都有問題,永遠都活喺自己世界,同佢溝通唔到,但佢平時講嘢有文有路。」Pinky以前是專業人士:「佢嗰陣做會計,唔使擔心,搵錢多過我,佢英文OK嘅。」鍾先生表示,妹妹十多年前已經有問題,惟近年情況較變得比較嚴重。不過,Pinky見到新屋表示好滿意環境,更多謝攝製團隊。

▼網民留言▼

資料及圖片來源:Facebook@筲箕灣西灣河關注組、Youtube@東張+

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓