文頌男「最後復工」做下把留遺憾 患罕見癌症經歷化療感覺接近死亡

節目中 Koba 帶上 cap 帽，雖然身形明顯消瘦，但看來頗精神。Koba於社交平台都有分享佢嘅「癌病日記」，拍最後一集嘅佢形容係「大結局」。Koba感性留言：「唔經唔覺原來已經拍咗兩年💥第一次真正主持一個電視節目📺喺過程中真係學咗好多嘢（真的👽幫助到我對於做幕前呢樣嘢而且一定一定要多謝各位主持佢哋真係照顧咗我好多🥹好似CUE人比機會佢講嘢、幫手打完場、兜返靚…💬我由開頭KAM吓KAM吓到最後嗰集…都仲係KAM吓1KAM吓👽成為大家嘅下把🥸」

同場加映：出租家人│陳家樂感激嫲嫲積蓄助發明星夢 周家怡後悔惹怒家人被趕出家門

Koba多謝幕後團隊，似乎非常不捨：「唯一嘅遺憾就係我突然有癌症🥲，唔可以同大家一齊繼續拍攝🎥希望將來仲有機會同大家一齊拍嘢啦。」Koba喺節目中投入度好高，一啲都唔似身體有唔妥，當「有故事的人」Busker 阿紀談到如何應付熱情的 fasn 時，Koba 即場扮演「痴情小 fans」，投入度百份百，反而搞到阿紀不知所措。

阿紀透露 busking 界醜聞，Busker 溝 fans 的現象非常普遍，他說︰「busker 同 fans 互相 follow，一定係有好感，要溝真係好易，band 房經常變炮房。」Kim 亦是 busker 出身，他笑言認識一位一腳踏三船的 busker，有趟街頭表演出事，Kim笑說︰「通常唱完歌，啲女朋友都會行埋去讚男朋友唱得好好聽。」當時三個女仔一如既往，同時向男友方向行去，當各自爆出一句「BB」時，該名 busker 同場加映街頭斷正。

+8

+7

點擊圖片放大

Susuca 對音樂人似乎沒有好感，她直言曾有多位從事音樂工作的追求者，大都很自我且多愁善感，她透露︰「試過有位追求者朝朝彈結他畀我聽當 morning call，又要我去佢嘅音樂會，個人已經好攰，去到仲要同啲妹妹迫。」節目中她爆出一單發生在朋友身上的食 fans 事件，涉及一隊男子組合當中一位成員，她說︰「朋友喺朋友圈講，話同某歌手約會學唱歌。問起原因係對方 DM 讚我朋友 cute。」友人又透露每趟都是上男方家，避開狗仔隊追蹤。Susuca 補充說︰「之後佢每次約會都會分享，有次仲好開心話已經同對方一齊，仲叫咗男朋友公開。」接住的套路都好易估，男方以影響事業為由拖延，最後不了了之。Susuca 表示事後發現有多名女仔，都收過同一人同樣的 DM，證明該歌手是識途老馬。事件吸引各主持好奇追問，Susuca 只提供貼士表示︰「實力派，可能佢真係教人唱歌，佢唱歌咁勁。」

圖片來源：大會提供