東張西望│黎寬怡勇字當頭冇頭套闖垃圾屋 被媽咪肉緊鬧保護不足恐惹蝨
「東張女神」之一的黎寬怡（貓仔），之前隨《東張西望》團隊採訪筲箕灣Pinky的垃圾屋，連續3日播出，見到現場環境相當惡劣，有巨如貓的老鼠屍之外，而且有大量曱甴通屋走，畫面極度可怕都令觀眾驚心動魄。貓仔一直都瞓身採訪，甚至入屋落手落腳幫手清理，期間更險被擊中頭部超驚險。節目播出街後，就畀阿媽怪責。
同場加映：出租家人│陳家樂感激嫲嫲積蓄助發明星夢 周家怡後悔惹怒家人被趕出家門
黎寬怡最初加入《東張》節目組，間中失態，太驚青經常訪問時被藝人玩番轉頭嚇到喊，令受訪藝人都不知所措。不過之後越做越好，訪問古怪大叔等難搞Case時候都表現淡定。而今次要走訪垃圾屋，勇闖入屋內，面對「垃圾山」以及大量曱甴，更幫手清理現場。
節目播出後，黎寬怡在IG自爆被母親責備，而且更公開了母親語音說話，原來母親都是擔心囡囡太肉緊，怕她沒有做好安全保護措施就入屋工作。錄音內傳來黎母親聲意：「垃圾屋嗰度，我見你著保護衣，但係又唔笠個頭，非常之危險呀，唔知會跌咗乜入個頭，如果啲蝨跌落頭就麻煩喇，有頭蝨好難搞架，非常之嚴重，我細個年代，如果生頭蝨係要剃頭架，」
黎寬怡覺得母親緊張得來十分可愛，決定公開事情，而且她亦借此事解釋為何沒有戴上頭笠入垃圾屋，她說：「因為保護衣太厚，每次郁都會發出磨擦聲（會影響收音問題），而且要同團隊溝通，基本上佢哋嗌，都唔會聽得清楚，為拍攝時候順利，我唔可以錯失每個即時反應，所以冇戴頭笠。」
拍攝完畢後，黎寬怡回家有徹底清洗乾淨自己，笑言並沒有發言頭蝨，大家可以放心，她笑言會獎勵自己，立即去Gel 甲扮靚，但不忘再一次溫馨提示觀眾：「辛苦大家，食飯睇咁多嘔心畫面。但呢個正正係社會發生嘅問題，大家覺得有感動嘅話，出錢或出力，甚至做義工都好，希望你哋幫幫社會上嘅朋友仔。同埋記得你哋每個人都好有價值，生命影響生命，希望我哋做緊嘅嘢可以幫到人，同埋話畀你哋知，每個人都其實係好值得。」
圖片來源：黎寬怡IG、網上截圖
港生活人氣本地熱話
【送禮🎁】送Esther Bunny春日好物🐰！
↓ 登記免費帶走可愛折疊傘 x 保溫杯 ↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
