港人轉移資產後獲派新公屋 有樓收租拎綜援都無犯法 網民:1個原因好大風險...

文: 黃樂恩
2024.03.22

港府近年積極打擊濫用公屋,但仍有不少人諗盡方法「上樓」!近日有人網上發文,表示自己認識一家四口把名下資產轉給長子,然後再與幼女輪候公屋,成功獲派一個3至4人公屋單位,「佢地抽到公屋,又有綜援拎,又有樓收租」。樓主得知後想舉報卻無從下手,無奈之下只好發文詢問廣大網友,「諗唔到可以點舉報,又好似真係冇犯規」...

早前社交平台上有人以匿名方式發文,指自己認識一家四口的家庭,兩夫婦育有22歲長子和10歲的幼女,早前二人把2輛車和物業等資產轉到兒子名下,然後與10歲幼女以3人身分申請公屋,最終成功獲派粉嶺皇后山邨一個3至4人單位,並自豪地表示「抽到公屋,又有綜援拎,又有樓收租,生活好休閒」。

得知這家人做法後,樓主坦言表示想舉報卻無從下手,「但我又諗唔到可以點舉報,又好似真係冇犯規」,無奈之下只好發文公開事件。帖文在網上引起熱議,但大多數人認為樓主太過多管閒事,又指出這家人是跟足程序申請公屋,其做法並未違法,「人哋啲資產真係轉咗比個仔….有乜可以舉報呢?」、「屋無仔名舉乜野報,人地無犯法」、「人地都無違例犯法」、「冇犯規,政策係咁,遵循遊戲規則」。

不過有網友指出,判斷違規的關鍵在於其兒子是否住在該公屋單位內,「仔住邊先,如果無名住公屋請舉報」、「層樓係阿仔個名,又有樓收租,即係個仔無戶籍但住喺公屋度,咁係違反租約,收得公屋」、「個仔無名如果有份住間公屋,你咪可以舉報」。

另外,有網友認為這家人把所有資產轉移給長子的做法相當有風險,「博個仔唔會反轉豬肚嘅」、「第日佢個仔唔帶眼識人,夾埋女人將層樓賣左將錢自己袋晒或者去澳門輸晒,阿媽三口得個嬲字」,同時又質疑事件真偽,「其實仲有冇人咁蠢,將自己呢啲秘密講出嚟㗎」。

來源:FB@香港公營房屋討論區

同場加映:【著數慳家王】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓