「十優港姐」麥明詩（Louisa）與機師男友盛勁為（Keith），今年次場婚禮於吉列島遊艇會進行，二人請嚟唔少圈中人同傳媒朋友。
一對新人接受訪問，麥明詩劈頭第一句就話「攰」，不過就話被好多朋友家人祝福，自己喊咗好多次。被問到佢邊個位最感動，佢就話係提到父母多年支持時……呢個時候佢又再次忍唔住喊，叫老公盛勁為講先，而盛勁為都係話攰同辛苦，不過就幸好聽日可以休息。麥明詩提到父母送咗一份驚喜禮物畀佢哋，話係教盛勁為點做個好老公，盛勁為就即時糾正：「係教我哋夫妻相處之道。」麥明詩續指：「佢哋語重心長咁同我哋講（維持）婚姻真係唔容易，係一個開始，希望我哋可以走到最後。」
同場加映： 金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
盛勁為表示自己都有眼濕濕，尤其同自己父母斟茶時，感恩佢娶到一個好老婆，又叮囑佢要「白手興家」同「開枝散葉」。在場人士都對「白手興家」呢個祝福感到疑惑，麥明詩話聽到「白手興家」時都唔係好識反應：「Uncle……唔係，係老爺，老爺係好跳脫，所以先有個咁跳脫嘅仔。」麥明詩講到想五年抱八，二人已ready迎接新生命，麥明詩大方提到盛勁為拎咗十幾日婚假，趁呢段時間唔使日夜癲倒工作身體會健康啲，會趁呢段時間「把握時機」。
盛勁為提到搞三日婚禮喺籌備方面非常辛苦，不過經過尋日一日都覺得好值得，因為佢同太太都好開心，又特別多謝老婆勞苦功高，麥明詩表示都將重點放喺同親友相處上，想畀佢哋一個難忘回憶：「其實我哋好多程序都省略咗，focus喺同親戚朋友相處上面，去接受佢哋嘅祝福，都去表達我哋嘅謝意。」
盛勁為大讚10A太太各方面都滿分，又話太太EQ高，麥明詩都好包容佢「情緒有時波動」：「佢係百分之一百無條件咁付出，成個過程冇一件PARTICULAR嘅事，但佢係一路付出一路冇怨言……我就好盡力從旁協助，我係做得少，但都覺得好辛苦，但佢就𠱁番我，仲可以繼續做好。」盛勁為一番說話令太太又再淚崩，更表示會用一輩子「補償」太太，真係冧到爆！
被問到昨日圍村宴請到呢期風雲人物李龍基做嘉賓，原來係因為新奶奶嘅關係：「因為明詩知道我媽鍾意，為咗令到奶奶開心，佢就專登請咗基哥嚟表演唱歌我哋聽！慶祝我哋結婚，最後仲同我哋一齊上台跳舞。」問到Louisa會唔會幫基哥未婚妻打官司，佢就話依家自己比較忙，但就話如果對方真係問就會介紹朱千雪畀對方。
而剛剛FYY提到嘅唱歌環節原來係驚喜環節，畀對方唔小心爆響口，提到冇拋花球一環，Louisa就表示佢啲姊妹都唔心急，但就話今日現場有好多機師，可以畀到機會機師們識到佢嘅好姊妹。問到二人會唔會去度蜜月，佢哋就未有計劃，不過二人都經常去旅行，另外二人結婚令Louisa父母都可以有機師親屬買機票嘅優惠，將來兩家人可以一齊多啲去旅行咁話。
圖片來源：本網圖片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
