盛勁為麥明詩結婚丨麥大力夠義氣撐拐杖做兄弟 正式離巢TVB 與簡淑兒打得火熱

文: 余美鳳
2024.03.25

麥明詩(Louisa)和盛勁為的世紀婚禮昨日完成第二場,不少圈中人到賀,婚禮星光熠熠。盛勁為參加《衝上雲霄大選》曾加入TVB而結識Louisa,當晚《衝上》的參賽者好友包括史穎喬、陳國麟等都有出席,其中麥大力更擔任兄弟團,今年1月在美國滑雪時不慎跌斷大髀骨,仍然撐拐杖出席賀老友,相當有義氣。

同場加映:金像獎提名女主角│衛詩雅曾被嫌棄冇人氣失機會 零收入與陳家樂互相借錢度日

麥大力穿上整齊的黑色西裝加煲呔,兩手都要撐住拐杖行動,幸好同樣的兄弟團的鄭衍峰全程在旁照顧,相當唔話得。麥大力表示:「而家情況可以,可以見證好朋友婚禮,非常開心。之前喺美國滑雪空中打咗360度,就跌斷大腿骨,空中成個人反轉,啪一聲就斷咗,手術之後瞓咗兩晚醫院,(咁快出院?)美國嗰度醫院好貴呀!一月尾受傷,啱啱先返香港,不過呢幾個月都唔飛得,而家好悶囉,日日喺屋企睇電視、睇書、望出面,暫時要觀察康復情況,醫生話短就可能三個月好番,唔得嘅就可能要九個月至一年。」他表示感激女友簡淑兒照顧,現時一日三餐都是由女朋友主理,有口福加上不能夠運動,麥大力笑言都變肥少少,他說:「我唔敢再滑雪,(女朋友話你?)冇冇冇,佢滑雪好叻!」

 

 

麥大力跟簡淑兒見證完Louisa同盛勁為婚禮,不過就繼續低調未有曬合照,拍拖多年感情穩定的兩人是否都準備結婚?他笑言:「你講盛勁為同Louisa?我都唔知呀!」然後他一輪胡言亂語兜大圈沒有正面回應。不過問到他跟TVB的合約,他說:「我已經離開咗喇!而家全職做飛機師,對我嚟講呢個先係Comfort Zone(舒適圈)。」

鄭衍峰一連兩日擔任Louisa的婚禮司儀,他表示自己跟新娘開會時,大家天馬行空將婚禮變成TVB一廠直播的感覺,相當具挑戰性,他表示不辛苦,最重要是好朋友有個難忘又幸福的婚禮,祝福一對新人。

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【請您去】海洋公園水上樂園💦!

↓ 立即登記 送雙人門票↓

↓ 立即登記  送雙人門票↓

↓【限時搶⚡】味道研究所拿坡里薄餅味Shake Shake粉🍕↓

↓ 想幾時食到薄餅味,拎起一Shake,即時食到!↓

↓ 想幾時食到薄餅味,拎起一Shake,即時食到!↓