楊千嬅獲邀請為《中年好聲音2》擔任評判，一度鬧得滿城風雨，網友認為千嬅唱功不及七位參賽者，而評判之一的伍仲衡一句：「冇常識嘅人先會覺得做歌唱比賽評判一定要唱歌好聽！」令事件雪上加霜，昨晚她照樣亮相評判席，不過照樣收到不少負評，千嬅避開所有傳媒拒絕受訪，只有兩位參賽者有「特權」跟她合照留念。
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
楊千嬅昨晚在風雨聲中現身《中年好聲音2》決賽場地電視城，老公丁子高全程在觀眾席陪伴，不過千嬅就拒絕傳媒訪問，連去後台影相都不肯，完騷後未有跟其他評判一齊跟三甲古淖文、譚輝智及顏米羔合照就匆匆離場，完美「閃避」回應連日來的是是非非。節目壓軸環節，一眾評判獲邀上台跟得獎者大合照，當時參賽者王玥見楊千嬅躲到最後，即時拉她上前排，但千嬅立即耍手拒絕，繼續留守後排，而記者完騷後在台前拍照時，當時千嬅已經「逃之夭夭」連合照都沒有參與。
千嬅來去匆匆，神隱一樣的行蹤，雖然連三甲都不能夠合照，不過仍然有兩位參賽者成功獲「特權」入休息室跟千嬅合照，就是甘永傑和王學琳，事關一位是丁子高的老友，一位是丁子高弟婦，當然待遇不同，而千嬅亦有禮貌地跟車婉婉合照。千嬅完騷後在IG分享：「每個人都背負着自己的成長故事，當中包括生活上的考驗，家庭責任，經歷各種不同的高低起跌，在營營役役的生活中，慢慢便將自己的初心和夢想埋藏起來。人生需要有夢想，生活才會有目標，這是活著的意義。很喜歡中年好聲音這個節目，我們除了培育年輕人鼓勵他們追夢，中年人的夢想也很需要去支持。學無前後，達者為先，在追夢的路上，有心跳就有希望，能夠成就別人的夢想是很大的福氣。很感激今日每一位參賽者的付出，從報名的一刻奮戰到最後這個舞台上，你們選擇了一份絕不容易的堅持和非一般的壓力，你們的努力除了帶給了觀眾一個很感動很精彩的演出，同時也喚醒了我們的初心和追夢的熱誠，輸出了一份滿滿的正能量，謝謝你們！」
不過千嬅今次做評判同樣惹來負評，討論區有不少人留言鬧爆：「睇到差唔多完場，楊千嬅每次評語都係讚參賽者做自己，講咗等如無講咁！」、「喺樂壇咁多年都冇進步，連簡單、有啲內容的評語比參賽者都搞不來，冇語！」、「每個評語都令人聽到好尷尬」、「佢似觀眾多過評判，嚟睇show」、「阿嬸比（畀）分真係得啖笑，因為佢個人鍾意就比19分20分，咁不如全部選手都比20！周啟生講得岩（啱），佢真係毫無資格做評審….」、「點解楊千樺（嬅）評語講咁長，霸晒時間，直播無得聽其他評審評語」等等。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
