在《愛回家之開心速遞》飾演書蟲的林浩文（小林），之前趁空檔考獲的士牌，之後工作有空檔，為了不荒廢時間，兼且多賺生活費，他都會揸的士。近日，他開工揸的士的次數也不少，而且更嘗試揸「特更」，差不多揸的士揸足一日，認真搵命搏。
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
林浩文之前大方承認，藝人身份以外，都會兼職做的士司機。為了方便演藝工作，他會選擇揸早更的士，早上5點就開工，下午5點就收工。當時他表示酒吧餐廳的生意已經易手，只剩工作室，有時未有拍攝工作，就會趁放假揸的士賺取外快。間中，乘客都會認出他是書蟲，他笑言不介意被認出，而且還可以跟乘客一起討論劇情。
香港都有不少打工仔，一個人打幾份工，林浩文也不例外。最近，他就趁不用開工的時候，密密做揸的士，密密做可謂無停手。而且，他還挑戰極限揸「特更」，他還笑言：「神以前都係人，不過佢做到人做唔到嘅嘢」、「今日揸咗21個鐘，我諗差唔多可以成為神喇卦。」
林浩文十分勤力，近來就試過，連續21個鐘揸車，其實都花了不少心神，他接受本網訪問時透露，最近幕前的工作其實並沒有減少，工作已經排到5月，但仍然想趁後生多搵錢，他說：「最近放假又有啲時間，就租咗全日的士嚟揸。揸到咁上下又覺得唔揸盡啲好似會浪費咗，所以就Chur盡咗少少。」他強調雖然想搵錢，但都會保障自己和乘客安全，所以間中會偷時間休息。
後生仔搵錢還搵錢，都唔好用條命仔搏。林浩文自知，其實這樣開工都很傷身：「我揸完第二日，下午都要開工，有時都會一路做都有啲頭暈暈，所以都應該做埋呢次，唔會有下次喇。」
其實圈中有不少藝人都有在放假時間兼職揸的士，邵卓堯和女藝人彭翔翎都做曾是兼職的士司機，彭翔翎更因為要搵錢續演戲夢，不過本身她都喜歡揸車，都可謂寓工作於娛樂。
圖片來源：IG
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
