女友要求上繳成份糧?港男苦呻每月得「幾百蚊」使費:返工搭車都要錢

文: 黃樂恩
2024.03.26

每月出糧全上繳女友,揚言唔畀就分手?近日有港男發文,稱女友要求他每月出糧,除去給父母的家用後其餘都要上繳,再由她發放每月「糧餉」,並揚言道「唔俾就話要分手」。港男表示自己很愛女友,但也不能接受每個月只有「幾百蚊」使費,無奈之下,只好網上發文詢問網友「可以點樣同女朋友傾?」

一名從事地盤工的港男,日前於LIHKG討論區以「每個月出糧 女朋友都叫我俾晒成份糧佢」為題發文,他在文中提到自己在地盤工作,「辛辛苦苦先搵得2萬幾3萬」,每月出糧後都會給父母$5000家用,而女友則會要求他交出剩下的人工,「其他嗰啲都要俾晒條女,唔俾就話要分手」。

現時女友每個月都會留給樓主「幾百蚊」作為生活費,但由於「返工食飯搭車都要用錢」,他無奈道這些錢根本不足以支付日常開支,讓他苦不堪言。樓主表示自己「真係好愛女朋友」,不想因此與她分手,故發文詢問廣大網友,能否為他出謀獻策「可以點樣同女朋友傾?」

貼文一出,網友紛紛留言發表個人看法,不少人直斥女友做法相當過分,「今時今日娶咗做老婆都唔會咁玩啦」、「拍緊拖就要俾晒成份糧,第時結咗婚有排你受」,同時港男對於女友的容忍度也實在是令人不解,刷新了人們三觀,「咁都唔分手,留返嚟過清明?」、「你肯定你哋係男女朋友?我淨係見到ATM同提款卡」、「真係建議你哋分手,依你所講同做奴隸無分別!」

有部份網友笑稱,「佢拎啲錢係幫你睇實定自己拎去買LV?」、「未結婚都係幫人養女朋友」,又形容港男與女友簡直是天作之合,「一個有咁嘅要求,你又肯俾」,紛紛留言表示「你哋千祈唔好分手」、「千祈唔好放佢出嚟害人」。

不過亦有網友推測或因港男不善理財,所以女友才會要求他出糧後全數上繳,「當年我老婆都係咁(嗰時係女朋友),不過佢係真係幫我儲起,如果唔係佢我真係月月清」、「如果佢攞嚟幫你儲起佢/投資嘅,咁恭喜你有個好女朋友,建議你快啲結婚」,並建議港男可以嘗試與女友溝通一下,說明自己的難處,兩個人之間多一點寬容與諒解,才能長久的走下去。

來源:LIHKG討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓