《中年好聲音2》經過接近9個月的比賽，冠軍終於誕生。連日來，由參賽者和評判都在回味比賽過程。作為評判之一的周國豐，對於參賽者們都有特別感受，他就好有心，特別寫出對7強的選手的感受。不過，最後都忍住要笑吓班參賽者。
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
周國豐近來活躍於社交平台，在節目播出後，都仍然不時提起一班參賽者，他就以「最」為主題，大讚7強參賽者。有時都會取笑人的周國豐，都不忘對參賽者們幽默一番。首先第一個就是譚輝智，周國豐先來以對方被揭家底的新聞來打開話題，他讚對方「最有觀眾緣」，「佢畀媒體爆咗有。家。底，憎人富貴厭人貧是常識吧，好奇怪！佢無事喔！仲要係參賽者中，最有觀眾緣嘅一個。」
周國豐個人見解是譚輝智有真材實料，十分有潛質，所以大受歡迎，「佢真係有潛質！真係有實力（暫時撇除⋯跳舞）囉，總決賽當晚，我好奇怪點解佢會揀《記憶棉》做必殺歌？我聽完之後，只係估呢條友應該係為啖氣揀呢首歌，於是，當時我講咗一句語帶相關嘅評語，『你唔太適合唱呢首歌，不過⋯⋯一位中年人唱一首咁後生嘅歌，我覺得係無違和感，你係好努力』，噚日，見到啲媒體訪問，終於知道佢揀呢首歌嘅真相，似乎我可以去廟宇擺檔。」
當晚譚輝智演出快歌時，發揮潛在本色跳舞，之後十分興奮，連接受訪問時也不停跳。譚輝智見到周國豐出帖文，立即留言笑指感激周國豐沒有笑自己跳舞變畸形，周國豐反問，「弱弱一問，你D（啲）細路有無嫌棄你呀？」譚輝智能爆發內心小宇宙，他笑言自己的細路都已經當他是英雄了。
周國豐之後讚沈宗賢最Pure，從對方眼神中看得出，讓人有很穩重的感覺，「眼睛係好難講大話，佢每次望你，總係好誠懇，恭恭敬敬，堂堂正正。」最後不忘叮囑沈宗賢，表演時可以加少少邪惡的味道，使演出更有趣味性。至於大熱倒灶的安雅希，就被周國豐讚「最有質量，周國豐自言好喜歡她的聲音，覺得歌聲會有畫面，他寫道：「對我嚟講，佢聲音嘅份量遠遠超越佢身形嘅重量或者，如果佢可以探索「鼻音」以外嘅可能性，佢嘅聲音會更富生命，又或者，如果決賽當晚，佢揀咗Lady Gaga同Adele嘅歌，賽果可能會改寫，時也。命也。」
得到第三名的顏米羔，周國豐覺得對方是導演，難怪是「最有想法」，每次比賽都可以「自編、自導、自演，自唱」，而周國豐仍然等待他可以唱到一首能感動人的慢歌。周國豐自言每次期待陳俞霏的表演，最想睇會發出的「神經刀」，所以才會「最估你唔到」，「有D（啲）人嫌佢把聲嘈，坦白講，當晚嘅《蜚蜚》係有呢種毛病，沖淡咗首歌淒美嘅氣氛，慶幸《愛是懷疑》嘅吸睛，雖然音準有啲啲問題，但整體係揮灑自如，我呢位叔叔睇得好投入。」
而已經認識了十幾年的黃劍文，周國豐就大讚對方最有堅持，重提當日決定頒MVP給黃劍文，覺得黃劍文的演出難度極高，而且很有突破，「總決賽當晚，佢抱病上陣，已經交咗一張亮麗嘅成績表，唯一要挑剔嘅 l係 ～ 傻佬！點解揀《玩火》呀！你係扮緊Rock！唔係唱緊Rock！」
最後是古淖文，周國豐則覺得對方「最⋯巨星」，不過並沒有因為認識很久而特別有感情分，反而自己對對方會特別有要求「最唔客氣」，「當晚，我以為佢快歌部分，可以最搶分，但最終我只係認為中規中矩。直至必殺歌《Feeling Good》，佢唱第一句，我立時諗起Michael Buble，之後整整三分鐘，係一場表演，唔係一個比賽，我畀出我當晚第二個20分。」最後笑言古淖文終於長大成人，還把握機會要索取巨星簽名。不過網民就疑問：「連周sir都爆響口話佢係頭一兩round都係唱得麻麻哋。。。咁佢憑咩入到最後3強啊？」
圖片來源：本網圖片、IG
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
