巴士阿婆舌戰阿伯！近日有網民坐巴士，拍下一場阿婆阿伯的精彩口水戰，事緣阿伯疑因險遭阿婆「揼親」，二人繼而發生爭執，期間阿婆戰鬥力十足，字字鏗鏘反擊阿伯，更直言「早啲上天，夠鐘喇你」，在網上引迴響。
最近網上瘋傳一段巴士阿婆「大戰」阿伯的影片，期間阿婆「口才了得」，窒到阿伯幾乎無聲出，引笑不少網民。片長近2分鐘，影片開首已經拍下二人坐在前排關愛座位置，並開始吵架的畫面，起因疑為阿婆不慎掉下手上的買餸袋，險些「揼」到阿伯腿部，令阿伯大感不滿，更著阿婆應該將東西放於行人走廊位置。
▼帖文▼
不過，阿婆認為自己並非有意為之，期間不停詢問阿伯「有冇揼親你先」、「我有冇問你我有冇揼親你腳先，我有冇關心你先」，惟阿伯一直未有正面回答。阿婆無奈指「我無關心你就話啫，我有關心你阿嘛」，僅指「唔通揼到先算」。
▼影片截圖▼
阿婆立即回應指：「有咪開返開張單畀你囉，同你去急症室囉，有咩大不了啫。」阿伯即秒回「大吉利是咩」，阿婆續解釋自己一直有表達善意的關心，阿伯則仍覺得阿婆是「專登」，反問「我有冇揼到你阿小姐」？
▼影片截圖▼
然而，卻迎來阿婆大反擊：「你夠薑可以揼到我咩？你得咩你夠力咩？」更直言「你收皮啦阿伯」，最後又遭對方問候母親，並鬧其「癡線」。
▼影片截圖▼
不過阿婆就未有否認，「你點知我癡線架？我夠你癡線？叫我擺（袋）中間喎」、「用吓腦啦你幾廿歲人，擺中間阻住人行路阿」，反獲阿伯指「有人行咩果度？」阿婆最終懶得拗，直言「早啲上天喇你，夠鐘喇你」。直至片尾，二人之戰仍然持續。
▼影片截圖▼
隨著影片遭廣傳，吸引大批網民讚好，大部分網民力撐阿婆，認為「啲野唔放行人路係啱㗎喎」、「又冇整到個阿叔，係個阿叔屎窟鬼啫」，亦有人大讚阿婆轉數夠快，認為「坐得上批鬥座，就應該有咁既功力」、「反駁隊必然人選」，形容似電影《九品芝麻官》裡的烈火奶奶角色。
▼網民留言▼
▼《九品芝麻官》烈火奶奶▼
資料及圖片來源：Facebook@香港江湖日報之ONX限定 2.0
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
