《中年好聲音2》圓滿結束，三甲強者古淖文、譚輝智及顏美羔連日來工作之餘都忙於慶祝，其中輝智日前為「輕鬆啲」網台開直播，特別邀請太太出心出聲幫忙，為他拍攝在日本居酒屋燒串燒的搞笑畫面，吸引不少網友大讚譚太人靚聲甜。
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
今年《中年好聲音2》跟上一屆不同，上屆的「阿嫂團」人才鼎盛，而且因為各自支持自己的丈夫參賽，都意外成為好姊妹，特別是周吉佩、顏志恒和魏嘉信的太太相當老友，而且顏值之高成為熱話。今屆三甲人馬暫時只有輝智成家立室，決賽當晚他獲得家人及太太全程鼎力支持，其實輝智的太太以往在公開活動都有露面過，不過就低調戴住口罩且拒絕合照，直至輝智完成比賽後，太太終於以真面目示人。
輝智太太原來係靚女一名，五官標緻眼大大，看上去似年輕時代的張栢芝，輝智實在有眼光。日前輝智為「輕鬆啲」開直播時，太太都有幫手掌鏡拍攝，非常落力，期間不少網友都留言讚靚女，輝智說：「佢哋個個留言讚你好靚喎，你出唔出鏡呀？一齊出鏡啦！」可惜最終遭鏡頭外的太太拒絕，輝智續言：「我唱歌好聽啲定太太唱歌好聽啲？我靜靜雞話你知，係佢唱得好啲，將來有機會叫佢表演畀大家聽！」然後太太即時搵嘢掟輝智，認真搞笑！輝智除了愛太太之外，亦好錫一對仔女，今次決賽揀《屈到病》都是因為一對仔女鍾意聽，而最後的必殺歌原本他想點《大個仔》一曲畀仔女聽，不過最終選了《記憶棉》。輝智在另一直播被劉威煌重提選錯歌的事，他搞笑回應說：「你知唔知點解我揀《記憶棉》？因為我知評判係MC，我上網搵就搵到呢首歌，我原本係諗住刷鞋，諗住唱MC冇死，點知唔係Maria Cordero，係另一個MC！」
《中年好聲音2》的「阿嫂團」都集中在「輕鬆啲」的兄弟上面，除了輝智太太外，還有劉威煌太太、甘永傑太太、梁思傑太太以及梁浩賢的女友，同樣都是高顏值一族，幾位兄弟在比賽中成為朋友，自自然然大家的另一半都越來越熟絡。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
