吳日言自從結婚後，就開始淡出娛樂圈，相夫教子之餘，還跟丈夫Barry合力搞飲食生意。除了經營月子餐、加工食物之外，還在尖沙咀開了實體台式食店。男主外、女主內，丈夫負責見客，而吳日言就專注食品質素。雖然逆巿搞生意不是易事，但她堅持有實體店，能與客人多點交流。
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
自言因為喜歡吃牛肉的吳日言，所以特別開牛肉麵店，她接受本網訪問時表示：「除咗牛肉麵之外，我哋仲有提供台式茶，因為兩樣嘢我都好鍾意食。其他飲食生意，我哋仍然有做食物加工，主要做便當、飯團，提供畀舖頭、企業或者大型團體。月子餐、健康餐我都仍然有做，因為好多人都想食健康餐。」
開一間餐廳，其實都要花不少心思，在食物味道上，吳日言都會有堅持，不時跟幕後團隊和廚師研究餐單和味道：「我特登搵師傅同我研究自己鍾意嘅口味做特別湯底；同埋我哋嘅麵有三個配菜，當中溏心蛋，好多客人以為我用雞蛋，但我係用咗雙倍價錢，用鴨蛋配畀客人，啲蛋味道特別濃同唔同。雪菜好細微，但都係綠葉，將個麵感覺同味道提升。」吳日言的講究，就連食具和擺盤設計都會堅持，而且她亦喜歡在舖頭跟客人交流。
約在2018年開始，吳日言和丈夫已經開始做飲食業，她表示近年因為香港環境及經濟問題，做生意特別困難：「巿道其實都係幾差，一關難過一關，我未感受過好順境嘅時間，唔知點為之有比較，不過都堅持做。而家就會搞有新構思，定期出一啲限定口味。最近興喺餐廳打卡，我哋創造咗碗麵，14吋大嘅碗，希望客人嚟食之餘又可以打卡。」
吳日言與丈夫讀書時已經認識，二人的「長途戀愛」經歷不少風浪，曾經試過分手再復合，現時組織家庭，育有一仔一女，兼且她更快將再為人母，她笑言與丈夫一起工作亦是一個考驗：「時同老公做嘢唔好，好似公私未必分明，當各自堅持意見時，會傷到感情。喺2017年第一次合作搞慈善跑步活動已經好多磨擦，佢話如果合作做一件事傷感情不如唔好合作，我都同意，經歷咁多，冇理由因為合作做件事產生問題。」
不過已經合作7年做生意，吳日言就想出辦法搵「中間人」調解：「本身自己都要調節，先繼續行落去。我哋有兩個好同事，佢哋有時會畀意見。如果得我哋兩票，好難做到決定，咁就連埋同事四個開會，互相畀意見。大家之後分析，拎出嚟傾，將件事做到最好。」
IG：kululabeefnoodles
圖片來源：IG
地址：尖沙咀慶坊商場S22鋪
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【送禮】送友邦嘉年華門票連代幣400套！↓
↓玩攤位遊戲贏公仔＋體驗機動遊戲！↓
