陳蕾早前邀請退出《全民造星V》決賽魏念恩（Nathan）做演唱會嘉賓引起「骨牌效應」，除咗佢本人受累之外，仲被網民翻出Nathan同Day＠COLLAR曾經交往，Nathan更不堪壓力到海邊吹風！今日陳蕾出席活動時都有回應事件，表示無悔邀請對方。
陳蕾今日出席彩妝品牌活動，同大家交流化妝心得。陳蕾早前邀請Nathan擔任演唱會嘉賓，由於男方「黑歷史」惹來猛烈負評，而Nathan早前於網上暗示輕生後再危站海旁，及後被送院。有「樂壇社工」之稱嘅陳蕾表示事後有慰問Nathan，對方都有回覆。
同場加映： 金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
陳蕾表示：「一直以嚟都有，都有畀佢支持同鼓勵。」被問到覺唔覺得對方情緒波動，佢就話：「由總決賽發生咗太多事，相信每個人遇到呢啲情況都好唔開心，我嘅角色一直係畀支持同鼓勵，亦想用盡方法燃起佢對生命嘅意志，可以勇敢面對自己嘅人生，承擔自己要承擔嘅嘢。」問到覺唔覺得請對方做嘉賓幫佢變成害佢，佢就表示冇後悔：「如果感受到任何人對生命失去鬥志，唯一令我後悔係我未盡全力拉起佢。」
陳蕾創作歌曲中《念》非常應景，當中歌詞：「我最自責 沒有發現你痛悲 也沒法 用我正念去救起 瀕死的你 將所有痛苦帶走不要念記 要記住我 願意去為你撐起 記住你 被我愛著別去死 很多轉機別自行分離」都係陳蕾貫徹始終嘅正能量。
另外，陳蕾早前被前輩周啟生狠批演唱會中「彈結他甩皮甩骨，唱歌近乎離晒譜咁走音」，陳蕾大方回應：「慢慢消化緊，我真的有好大進步空間，無論是唱現場還是錄音，都未如理想，對我嚟講善意留言可以令我有進步。」而同佢同樣係《亞洲星光大道》出身嘅古淖文日前於《中年好聲音2》取得冠軍，陳蕾表示有恭喜對方：「之前嘅經歷係好好嘅養份，話唔定要經歷好多高低起伏先有依家嘅成績。」佢又表示可以諗下二人將來合作。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
