郭柏妍留足20年長髮剪短眼紅紅 冇染髮電髮想捐出都有阻滯?

文: 余美鳳
2024.03.29

現年26歲的郭柏妍無論外表性格好清純,最近她為新劇《麻雀樂團》轉造型,將留足20多年的長頭髮一口氣剪短!雖然不捨得,但她特地將沒漂染過的頭髮留起,希望捐贈出去造假髮,幫助有需要的朋友,不過網民提醒並非話捐就捐。

同場加映:金像獎提名女主角│衛詩雅曾被嫌棄冇人氣失機會 零收入與陳家樂互相借錢度日 

化身YouTuber的郭柏妍,特地拍片記錄剪髮過程。只見素顏一樣咁靚的她,返回電視城開工,由髮型師在化妝間為她親自操刀。髮型師手起刀落,不用十秒便剪去她近10吋秀髮。

郭柏妍睜大雙眼驚呼:「剪完嗱?!」然後她竟然眼紅紅,連髮型師都笑說:「仲要短啲,你唔係喊吖嘛?」郭柏妍拒認眼淺,只表示瞓得太少而眼紅紅,又說:「因為我20幾年冇試過咗短頭髮,我唔驚只係冇諗過咁快就剪咗。」沒有染髮的她想捐出頭髮,有工作人員為她用髮網綁成一束。

郭柏妍特地拍下家人對她新造型的反應,郭媽媽淡定得毫無反應,而胞弟則讚好睇:「成個專業樣出晒嚟。」事後郭柏妍講感受,笑言好多人以為她戴假髮:「把頭髮跟咗我20幾年,細個剪過短髮。但唔鍾意,就一直留長頭髮到依家。」她澄清自己無喊:「因為我以為去到會先化妝,再剪髮,會有一個鐘心理建設,所以覺得有啲shocked同好快。」

郭柏妍笑言自己越來越喜歡新look,網民在影片下留言,大讚她長髮短髮都靚;亦有熱心網民提醒,指香港目前暫不接受捐髮,如想捐髮,可寄往其他國家或地區的相關機構,而且頭髮長度亦有限制:「如果無電無染,只要超15cm就可以捐,如果長度超過30cm,就可以用嚟俾(畀)女性做假髮,超15但未到30就可以捐俾(畀)男性做假髮…香港已經唔收假髮,我上次係寄去台灣,男性同女性做(造)假髮並非同一機構,需要上網睇返對應機構。希望收到你頭髮變做假髮嗰位抗癌人士,亦可以沾到你既(嘅)福氣。」獲郭柏妍將留言置頂。

來源:https://youtu.be/mM8zk1kaeFE?si=H4X7bE82wKijnauW

圖片來源:YouTube、IG

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送PHYSIOGEL全新男士護膚系列】

↓ 為男士們全天候水分修復💧↓

↓ 為男士們全天候水分修復💧↓

↓【夏日密密賞☀️】小魚兒海鮮盛宴😍 ↓

↓ 烤魚二人餐 / 龍蝦二人餐 / 炭火風味烤凌波魚 / 澳洲龍蝦!↓

↓ 烤魚二人餐 / 龍蝦二人餐 / 炭火風味烤凌波魚 / 澳洲龍蝦!↓