郭柏妍留足20年長髮剪短眼紅紅　冇染髮電髮想捐出都有阻滯？

同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日 

化身YouTuber的郭柏妍，特地拍片記錄剪髮過程。只見素顏一樣咁靚的她，返回電視城開工，由髮型師在化妝間為她親自操刀。髮型師手起刀落，不用十秒便剪去她近10吋秀髮。

郭柏妍睜大雙眼驚呼：「剪完嗱？！」然後她竟然眼紅紅，連髮型師都笑說：「仲要短啲，你唔係喊吖嘛？」郭柏妍拒認眼淺，只表示瞓得太少而眼紅紅，又說：「因為我20幾年冇試過咗短頭髮，我唔驚只係冇諗過咁快就剪咗。」沒有染髮的她想捐出頭髮，有工作人員為她用髮網綁成一束。

郭柏妍特地拍下家人對她新造型的反應，郭媽媽淡定得毫無反應，而胞弟則讚好睇：「成個專業樣出晒嚟。」事後郭柏妍講感受，笑言好多人以為她戴假髮：「把頭髮跟咗我20幾年，細個剪過短髮。但唔鍾意，就一直留長頭髮到依家。」她澄清自己無喊：「因為我以為去到會先化妝，再剪髮，會有一個鐘心理建設，所以覺得有啲shocked同好快。」

郭柏妍笑言自己越來越喜歡新look，網民在影片下留言，大讚她長髮短髮都靚；亦有熱心網民提醒，指香港目前暫不接受捐髮，如想捐髮，可寄往其他國家或地區的相關機構，而且頭髮長度亦有限制：「如果無電無染，只要超15cm就可以捐，如果長度超過30cm，就可以用嚟俾（畀）女性做假髮，超15但未到30就可以捐俾（畀）男性做假髮…香港已經唔收假髮，我上次係寄去台灣，男性同女性做（造）假髮並非同一機構，需要上網睇返對應機構。希望收到你頭髮變做假髮嗰位抗癌人士，亦可以沾到你既（嘅）福氣。」獲郭柏妍將留言置頂。

來源：https://youtu.be/mM8zk1kaeFE?si=H4X7bE82wKijnauW

+5

+4

點擊圖片放大

圖片來源：YouTube、IG