90年代歌手黎明詩癌逝終年58歲 出嫁19年突然出櫃玉女被封烈女

黎明詩當年參加第14屆十大中文金曲最有前途新人獎銅獎得主，同屆金銀獎得主係郭富城同劉錫明，其父親為香港粵劇演員黎家寶。 黎明詩於香港出生，一歲時隨母親去英國生活，四歲時回港生活，黎明詩自細跟父親學習過粵劇北派嘅基本功。黎明詩初中前往英國讀書，曾與妹妹一同參選英國華裔小姐，分別獲得冠軍及亞軍，其後舉家回流香港，黎明詩參加無綫電視1987年新秀歌唱大賽，之後加入娛樂圈，參演多部電影，包括《霸王花》及《代客泊車》。

同場加映： 金像獎提名女主角│衛詩雅曾被嫌棄冇人氣失機會 零收入與陳家樂互相借錢度日

黎明詩在1990年張立基一首歌曲《異性相吸》負責演唱rap及擔任MV女主角，其後呢段歌詞成為當時街頭流行口頭禪。黎明詩於1991年4月推出首張個人大碟 《Besame》，同年獲得十大中文金曲最有前途新人獎銅獎、叱咤樂壇生力軍女歌手金獎及十大勁歌金曲最受歡迎新人獎銅獎。其作品有《停不了的愛》、《敢恨敢愛》、《無條件的愛》、《Goodbye My Love》。

黎明詩退出樂壇多年，其後於2017年獲邀亮相TVB節目《流行經典50年》，相隔23年再次獻唱《敢恨敢愛》，2019年跟群星胡渭康、林利、文佩玲、何婉盈、莫鎮賢、陸家俊、黎明詩及黃翊舉行《我們的主打歌演唱會》。

+15

+14

點擊圖片放大

黎明詩感情生活亦相當「轟烈」，1995年淡出樂壇兩年後嫁銀行高層Eric Fung，2017年跟老公分居期間，承認出櫃展開新戀情。黎明詩與同性戀人Kelly早喺30年前在英國認識，後來喺香港重遇，黎明詩形容同Kelly好夾，最緊要互相相處溝通到，Kelly到依家仲係成日聽黎明詩嘅舊歌，非常迷戀黎明詩。而前夫Eric都同黎明詩再見亦是朋友：「佢放下咗，我哋係親人咁，我哋都有不時約食飯見面講吓動向，我哋係好和平分開嘅。」黎明詩同前夫曾經想生小朋友但又唔成功，黎明詩表示可能命中注定佢哋冇呢個子女緣分。

「出櫃」外間反應比佢預期大，黎明詩就淡然：「係好隨意，我自己都估唔到講出嚟，真係神推鬼使。又唔係做啲咩壞事，自己都過咗某個年紀，都想做番一啲自己想做嘅事。」她坦言唔係性別問題，係夾唔夾，亦唔係受咗刺激搵個女，絕對唔係呢個心態。」

好友黃翊回應本網訪問，表示自己都唔知黎明詩患癌：「好突然，我完全唔知詩妹有事，近兩年都冇碰過面，都係靠Facebook聯繫，大家出post互Like同講下happy birthday。因為我哋有個「經典同學會」嘅group，我都係啱啱得知佢上年有病，同病魔搏鬥咗一輪，都冇辦法……祝佢一路好走。」黃翊與黎明詩皆於80年代末出道，佢大讚黎明詩對朋友好：「詩妹為人好sweet好甜，好關心朋友，所以好早期已經有同佢玩埋一齊。」黃翊表示因為自己中途曾離開娛圈，所以係近年因為《流行經典50年》先同詩妹重遇並再次熟絡。