洪助昇參加《全民造星II》時，憑高大外表，成為當時注目新星之一。本身是怕醜仔的他，28歲都仍然處於A0界別。他笑言真正「憑實力單身」，不過並非從來沒有愛人的經驗。相隔1年推出新歌《你不是我的岸》，就講出自己的經歷。
同場加映：全民造星V丨香胤宅愧對粉絲親解未簽約苦衷 用舞蹈說故事流露對太太愛意
日前，洪助昇為即將推出的新歌宣傳，他接受本網訪問時透露，很多人拍拖，可能只會注重過程，但自己的愛情觀，則是想長久地維持戀情，視對方為「岸」做目標，但現今未必個個都會有一樣的態度。
自言在感情上會很理性的他，分享了一個經歷，跟這首歌很相似：「之前識個女仔，對方主動先，識咗一段時間我覺得相處開心，正想表白時，對方已有新對象。當時我有啲難過，原來佢係漁翁撒網形式，可能見我哋識咗三個月左右，佢見我冇表白，就搵過第二個，知道嗰刻都幾傷心，但又冇得怪人，只係大家睇法唔同。」
而洪助昇在這次之前，差點有「零的突破」的關係，可惜與對方遠距離的「姊弟戀」，未能維持很久：「嗰次係0.5嘅經驗，雖然係Long D，但我覺得係拍拖嘅，大概一年左右都係Face Time聯絡。對方大我4、5歲，佢好似幾急住結婚，會成日講呢個話題，但我當時工作未明朗，唔敢拖住人哋太耐，會有啲壓力，最後都係分手。」
對於這個女仔，洪助昇雖然不在對方身邊，但仍然照顧周到。會時常記著對方的喜好：「我知道佢鍾意一個Headphone，但唔捨得買，所以我儲咗一個月錢，買完寄過去送畀佢。」
洪助昇對愛情認真，而且是一個暖男，懂得體貼照顧人，全因自己讀書時的經歷：「我喺中學時候係好肥，而且怕醜唔敢講嘢，初中時經常畀同學欺凌，甚至有段時間唔敢返學：「有啲同學真係會將你碟食緊嘅飯掟走，又或者搶你啲通告。正因為咁，後尾反而令我學識要照顧人感受、保護別人，就算係我嘅朋友，有乜事發生，我都會挺身而出幫手。」
現時，洪助昇都希望自己能多儲戀愛經驗，使自己的情感更豐富，對自己唱歌時運用感情也有幫助。不過暫時並沒有對象，他稱自己喜歡有氣質的女仔，覺得雲浩影甚有個人氣質，而BLACKPINK的Lisa是自己的女神。
圖片來源：本網圖片、洪助昇IG
Hair: Vic Kwan @ I.A. Hair & Nail
Make up: Gigi Liu
Venue: BOLD COFFEE
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
