方力申日前去率先睇喺車界掀起話題嘅新車Cybertruck，見佢同一行其他藝人都超級興奮，睇嚟入手都係爭一步！不過吳彥祖竟然留言潑冷水，令大家都好想知點解。
方力申日前同DJ當奴（唐劍康）、阿占，以及朱薰一家等人去參觀Tesla旗下嘅話題新車Cybertruck。Cybertruck不銹鋼外殼超有未來感，方形設計似足電影《回到未來》中嘅時光機，片中見到佢哋都非常興奮，好似小朋友見到一件大玩具咁。
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
方力申post出多張相，仲真人踩入車尾箱坐低拍片，證明呢架車有幾堅固。方力申似乎都為之心動，留言：「先睹為快，唔使等下個禮拜。」之後佢仲TAG當奴互相「引誘」，話如果當奴買佢就買咁話。當奴出名鍾意「潮物」，好多時都不惜一擲千金嚟買心頭好，購買力好高！當奴會唔會買就未知，不過其中一個身份係賽車手嘅吳彥祖就留下「專業」留言潑冷水：「Don’t buy it.（不要買它）」唔少網民都好好奇箇中原因，不過吳彥祖都冇回應，唔知方力申會唔會因為咁打消念頭呢?
Cybertruck終於喺香港亮相，呢架具防彈能力、能高負重兼有越野能力啂型爆電動車會喺香港展出3個月。而社交平台已經見到唔少疑似喺街上試車嘅相，雖然暫時仍未有喺香港嘅開售時間表，不過已經引起唔少愛車人士關注。對於不少車迷來說，畢竟Cybertruck車型巨大，仲擁有超硬不銹鋼外殼，所以佢啂鋰電池到底有幾襟用都成為大家好大嘅考慮因素之一。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
