香港食飯$70埋單好正常 稱呢項成本導致「蝕住做」?網友笑爆:蝕錢都做,係愛定責任?

文: 黃樂恩
2024.04.01

近日有人社交平台上發帖,指在香港餐廳食飯$70埋單很正常,他列出本港中小型餐廳的各項成本,「計落就知好多係平手 / 蝕住做」,同時他又勸港人要多諒解,並在文中呼籲大家「唔好再鬧食肆貴」。相關帖文引起關注,網民反應不一,有人認為價錢合理,但亦有人對此甚為反感,紛紛留言表示,「蝕住做?食客都係蝕住食㗎」、「蝕錢都做?係愛定責任?」

上周三(27日),有人在Facebook群組「飲食黑店大全」上以匿名方式發文,他在文中提到「其實$70食個飯好正常,唔好再鬧食肆貴 / 畀垃圾,成本問題,計落就知好多係平手 / 蝕住做」,同時他也指出香港人工比其他地方高,故餐廳成本亦會相對增加,並列出本港中小型餐廳的各項成本。

以一間坐到30人的中小型餐廳為例,基本上要有「3個樓面,3個廚,1個收銀,1個洗碗,半個人頂放假」,意味著需要每更需要8.5人(每日2更,即每日17人),單單是人力成本已經要$425,000,加上其他必要開支後(如租金、水電、日常維修費等,以上開支並未計算食物成本、前期裝修成本),聲稱每月店內成本高達$495,000,但每月收入只有$710,000(已計算堂食、外賣生意),直言在香港經營餐廳食肆很多時候都是「蝕住做」。

樓主補充道,指不少餐廳食肆為了達到收支平衡,只好將成本轉嫁至消費者身上,「為咗計得掂,咪有咩縮咩,凍飲落幾粒冰都要+你$2...」。除了指出在香港經營餐廳的不容易,隨後更在文中勸港人要多加體諒,「周街都係餐廳,如果飲食事業咁好搵,個個都發咗達啦…咁公道講句你係消費者覺得貴 / 平 / 抵…係你自由,但係呻之前都諒解吓對方點解會咁…諗吓係咪真係要鬧囉!」

帖文引來大批網民回覆,不過大數人都不太認同樓主說法,「合理做咩要匿名」、「食個飯咋,要同你計數?蝕住做咁慘駛唔駛頒個獎俾你」、「蝕錢都做?係愛定責任?」、「合唔合理由市場決定」、「你窮就唔好勉強學人做老闆」,當中更有網友推測出Post人明顯是餐廳老闆,直言「只有老闆才會咁清楚細節」。不過也有部分網友認為其收費合理,「唔怕你貴,最怕唔值,最重要係物有所值」、「$100以下食個餐都好正常,只要食材新鮮,服務過得去」、「70蚊食個飯貴唔貴就見仁見智...不過收得人地70蚊,比返小小服務態度囉!」

來源:FB@飲食黑店大全

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓