陳家樂與連詩雅結婚不久，已立即傳來喜訊，連詩雅已經成功懷孕。其實他們已經一早為人「父母」，他們拍拖持共同飼養了兩隻松鼠狗，分別是啡色毛的哥哥「Captain」和白色毛的細妹「妹妹」都是由他們領養回來。不過妹妹從小到大身體虛弱，令陳家樂和連詩雅十分擔心。
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
陳家樂接受本網訪問時表示，兩隻松鼠狗約於兩年前領養。現時都是小朋友的狀態，都十分活躍，但性格大不同，他說：「哥哥就好簡單好易開心，只係食同瞓，生活係無憂無慮，佢任何時候都擺尾，鬧完佢一陣又返嚟玩，冇負面情緒嘅。不過就好易呷醋，如果我哋摸妹妹，哥哥就會走埋嚟要一齊摸。」
至於妹妹，陳家樂形容是冷靜派，但會有「公主病」，他笑謂反而性格較像貓：「妹妹開心時候只會轉圈，唔會擺尾。因為佢身體較虛弱，由細到大我哋會特別呵護佢、錫佢，可能個個都錫，佢就會有時蝦哥哥。同埋妹妹似貓擺款，見我哋摸哥哥，佢會行埋嚟，但唔畀你摸。」
妹妹的名字聽起來很簡單，其實意義深遠：「佢叫妹妹，因為想學老人家教，怕養唔大，改個名冇咁霸氣，叫阿妹就會個個錫。」原來最初貓貓來到屋企，不會像其他狗一樣會吠叫，而且也不愛吃東西。後來妹妹的眼睛開始出現問題，所以陳家樂和連詩雅結婚時，妹妹其中一隻眼已失去視力，而近日更雙目失目。
陳家樂說：「最初佢有隻眼發炎，我哋已經立即去睇醫生，滴完眼藥水，第二日反而嚴重咗，我哋已經再即刻帶佢去睇第二個醫生，醫生話隻眼嚴重，當時眼球變白色，甚至要做切除手術。嗰時我同陳太已經喊到癲，但好神奇，做完手術，佢好快精神番，開始會跳、會跑，會同你玩，行為如常。」
考驗一浪接一浪，最近陳家樂發現妹妹另一隻眼同樣出現問題，最後連餘下的一半視力也失掉：「今次係筋腱Hold唔到眼球，睇見佢真係好慘。我怕佢從此唔開心會自閉，但好感恩佢情況好好，用咗幾日時間適應環境。」他提到妹妹現時情況也眼濕濕，還表示無論怎樣都會愛護妹妹，陪伴一起同行。
為了令妹妹安心，能在家「暗中作樂」，陳家樂和連詩雅從新佈置家居，而且傢俬盡量不會太移動：「妹妹以前有Training，所以佢好快適應。同埋而家用一個發聲功具，每次撳掣發聲，就代表佢行嘅方向啱。」
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
